قىزدىڭ جۇرەگىن جاۋلاۋدىڭ 5 امالى

استانا. قازاقپارات - سەن كەيبىر جىگىتتەردىڭ تىم جاقسى قىزدارمەن جۇرەتىنىن بايقاعان شىعارسىڭ.

بايلىعىنا قىزىعادى دەسەڭ، اسىپ بارا جاتقان ەشتەڭەسى جوق.

سىمباتىنا سۇقتانادى دەيىن دەسەڭ، سەن دە كەلىستى جىگىتسىڭ. ءبىراق قىزدارعا كەلگەندە سەنىڭ ەشبىر قىرىڭ جوق. ولاي بولسا، قىز جۇرەگىن جاۋلاۋدىڭ مىنا تاسىلدەرى قاجەتىڭە جاراپ قالار:

1. «الەمدى تۇزەگىڭ كەلسە، ەڭ اۋەلى ءوزىڭدى تۇزە» - دەگەن قاعيدانى ۇستان. دەمەك، قاندايدا ءبىر قىزعا ۇناۋ ءۇشىن ەڭ الدىمەن جەكە باسىڭدى تاربيەلەپ الۋىڭ قاجەت. ءوزىڭ قاندايسىڭ، جانىڭا سونداي ادام جولىعارى زاڭدىلىق.

3. بولاشاق جارىڭدى تاڭداۋدا قاتەلەسپەۋ ءۇشىن كەزدەسكەن قىزىڭنىڭ يمانىنا، مىنەزىنە، تۇلعالىق قاسيەتىنە، تەگىنە ءمان بەرگەنىڭ دۇرىس. ءوز ويىڭداعىداي كىسىگە تاپ بولا قالساڭ، ونىڭ ءارى قارايعى ءومىرىن سەنىمەن بىرگە قول ۇستاسىپ وتۋىنە شەشىم قابىلداۋىنا اسەر ەتۋدىڭ امالىن جاسا.

4. بارلىق جاعدايدا شىنايى بولۋعا تىرىس. ءوزىڭدى جاقسى جاعىنان كورسەتەمىن دەپ، تىم قىزبالانىپ، ماقتانىپ كەتۋدىڭ، شاشىلىپ- توگىلۋدىڭ قاجەتى شامالى. قىزدار ماقتانشاق جىگىتتەردى ۇناتپايدى.

2. بارلىق قىزدارعا بىردەي ۇنايمىن دەپ جانتالاسۋدىڭ قاجەتى جوق. «ەكى كەمەنىڭ باسىن ۇستاعان سۋعا كەتەدى» ، دەگەن ماقالدى ماحاببات ماشاقاتىنا ۇرىنعاندارعا دا قاراتىپ ايتۋعا بولادى. سوندىقتان، ءبىر قىزدى تاڭدادىڭ با، سونىڭ جۇرەگىن جول تاۋىپ، ومىرلىك جارىڭ ەتۋدى عانا ويلا. كەلىسىپ جاتسا اتا- اناسىنىڭ الدىنان وتۋگە تۋىستارىڭدى قۇدا تۇسۋگە جىبەرگەنىڭ ابزال.

 7. ەگەر قىز قارىم- قاتىناس جاساۋعا قۇلىقتى بولماسا، قايتا- قايتا مازاسىن الىپ، كەزدەسۋگە شاقىرىپ مەزى ەتۋدىڭ دە رەتى جوق. قازاقتا «قۋعان جەتپەس، بۇيىرعان كەتپەس» دەگەن ماقالدى ۇستانعانىڭ ءجون. كەز-كەلگەن قىز بالانى كورگەندە، ويىڭنىڭ تۇكپىرىندە ۇنەمى «بۇل كىسى دە ءبىر وتباسىنىڭ ماپەلەپ وتىرعان قىزى» - دەگەن تۇسىنىك تۇرۋى ءلازىم. ونىڭ دا وزىڭدەي اعا- ىنىلەرى، قورعاۋشىسى بار دەپ ءتۇسىنۋ كەرەك. قانداي جاعداي بولماسىن جار تاڭداۋدا اسىعىس شەشىمدەرگە بارماي، ساۋ اقىلمەن شەشىم قابىلداعان ادام عانا اداسپايدى.