07:50, 01 - ماۋسىم 2015 | GMT +6
اتىراۋدا 5 قابات ءۇيدىڭ ءبىر بولىگى وپىرىلىپ ءتۇستى
اتىراۋ. قازاقپارات - اتىراۋدا 5 قاباتتى وتباسىلىق ۇلگىدەگى جاتاقحانانىڭ ءبىر بولىگى وپىرىلىپ ءتۇستى.
جاپا شەككەندەر مەن قازا تاپقاندار جوق. وقيعا ورىن العاننان جارتى ساعات بۇرىن تۇرعىندار قابىرعانىڭ جارىلىپ تۇرعانىن بايقاپ، قۇتقارۋشىلاردى شاقىرعان. ولار تۇرعىنداردىڭ ءبارىن قاۋىپسىز جەرگە كوشىرگەن سوڭ ءۇيدىڭ ءبىر بولىگىنەن ءۇش قاباتى وپىرىلىپ تۇسكەن.
«جاتاقحانا 1974 -جىلى سالىنعان. وندا 140 ادام تۇرىپ كەلگەن. ولاردىڭ بارلىعى بۇعان دەيىن سۋ تاسقىنىنان زارداپ شەككەندەر تۇرعان عيماراتتارعا ورنالاستىرىلدى»، - دەپ حابارلادى اتىراۋ قالاسى اكىمىنىڭ ورىنباسارى گۇلميرا شاكيروۆا.
جاتاقحانا اپاتتى جاعدايدا دەپ تانىلىپ، بيىل ءسۇرىلۋ جوسپارلانعان ەكەن.