ىشكى ساياسات 5 ينستيتۋتسيونالدى رەفورما اياسىندا بايىپتى وزگەرىسكە ۇشىرايدى - ەلباسى
«جالپى، ەڭ قاۋىپتىسى - مەملەكەتتە قانداي دا ءبىر جاڭا بۇرىلىس جاساۋ. مەنىڭشە، بۇگىنگى كۇنگە دەيىن جاسالعان مەملەكەتتى قۇرۋ، ساياسي رەفورمالاردى جۇزەگە اسىرۋ جونىندەگى ءىس- قيمىل جوسپارى بار. كەشەگى سايلاۋ حالىقتىڭ سول باعداردى قولدايتىندىعىن تاعى مارتە قۋاتتادى. سوندىقتان دا ىشكى ساياساتتى، سىرتقى ساياساتتى وزگەرتۋدىڭ ەش قاجەتى جوق»، - دەدى ەلباسى.
دەگەنمەن، ق ر پرەزيدەنتى ىشكى ساياسات 5 ينستيتۋتسيونالدى رەفورما اياسىندا ايتارلىقتاي بايىپتى وزگەرىسكە ۇشىرايتىنىن اتاپ ءوتتى.
«بۇل مەملەكەتتىك شىعىستاردى دا تالاپ ەتەدى. جاڭا كادرلاردى دايىنداۋ، بارلىق ىرىكتەۋ، اتتەستاتسيادان وتكىزۋدى قاجەت ەتەدى. حالىق مەملەكەتكە قىزمەت ەڭبەكپەن كەلەتىندىگىن اشىق كورۋى ءتيىس»، - دەدى مەملەكەت باسشىسى.
ەلباسى ءوز سوزىندە اۆتونومدى بولاتىن ۇكىمەت كونيۋنكتۋراعا ىقپال ەتپەيتىندىگىن، ال ساياسي قىزمەتشىلەر سايلاناتىندىعىن ايتتى. «قالعانىن بۇعان دەيىن قالاي جۇرگىزسەك، سولاي جۇرگىزە بەرەمىز. ويتكەنى، ءدال وسىنى حالىق قولداعان بولاتىن»، - دەدى ق ر پرەزيدەنتى.
اۆتور: مارلان جيەمباي
