الماتى تۇرعىنى 58 مىڭ دوللار تاۋىپ الىپ، يەسىنە قايتاردى

استانا. قازاقپارات - الماتى تۇرعىنى 58 مىڭ دوللار تاۋىپ الىپ، يەسىنە قايتارىپ بەردى. جالدامالى پاتەردە تۇراتىن احمەت ادجمال تاپقان بويدا، يەسىن ىزدەگەن.

بۇل تۋرالى 31 -ارنا حابارلادى.

قوماقتى اقشا تاۋىپ العان احمەت ادجمال ەكى بالاسىمەن جالدامالى پاتەردە تۇرادى. ول قۇرىلىسپەن اينالىسادى.

جەلى قولدانۋشىلارى بۇل وقيعاعا تاڭعالىپ، پىكىرلەرىن ءبىلدىردى. ءتىپتى، وزدەرى مۇنداي جاعدايدا نە ىستەيتىندەرىمەن دە ءبولىستى.

ولاردىڭ ايتۋىنشا، ەر ادام بۇل اقشاعا ءۇي سالىپ نەمەسە باسقا نارسەگە جۇمساسا بولادى، ءبىراق ول ناعىز ادامگەرشىلىگىن كورسەتتى.