الماتى وبلىسىندا 57 كاسىپكەر جەڭىلدەتىلگەن نەسيە الادى
نەسيەلىك كوميتەتتىڭ كەزەكتى وتىرىسىندا جالپى سوماسى 193 ميلليون 200 مىڭ تەڭگەنى قۇرايتىن 57 ءوتىنىش ماقۇلداندى.
اقسۋ، الاكول، قاراتال، كوكسۋ، سارقانت، ەسكەلدى، كەربۇلاق، جامبىل، تالعار اۋداندارى مەن قاپشاگاي قالاسى كاسىپكەرلەرىنىڭ وتىنىشتەرى قارالدى. نەسيەلىك كوميتەت حاتشىسى ەرلان داتقايەۆتىڭ سوزىنە قاراعاندا، ماقۇلدانعان وتىنىشتەردىڭ باسىم بولىگى قىزىلشا وسىرۋمەن اينالىساتىن شارۋا قوجالىقتارىنا تيەسىلى.
«قانت قىزىلشاسىن وسىرۋمەن اينالىساتىن كاسىپكەرلەرمەن بىرگە مال شارۋاشىلىعىن دامىتۋ، قول ونەر بۇيىمدارىنىڭ ءوندىرىسى، پياز ءوسىرۋ، قوناق ءۇي كەشەنىن قالپىنا كەلتىرۋ بويىنشا جوبالار ماقۇلداندى. كاسىپكەرلەر جاقىن ارادا نەسيە الادى دەپ ۇمىتتەنەمىز»، - دەدى ە. داتقايەۆ.
نەسيە العانداردىڭ قاتارىندا ەسكەلدى، كەربۇلاق، اقسۋ، بالقاش اۋداندارىنىڭ قىزىلشا وسىرۋمەن اينالىساتىن شارۋالارى بار.
ەسكە سالا كەتەيىك، نەسيەلىك كوميتەت 303. ميلليون تەڭگەنىڭ 84 ءوتىنىشىن ماقۇلدادى.