ەلورداعا 56 جىلدان بەرى مۇنداي قار جاۋماعان- قازگيدرومەت

نۇر- سۇلتان. قازاقپارات - ەلوردادا بيىل 56 جىل بۇرىن جاۋعان قاردىڭ نورماسى تۇسكەن. بۇل تۋرالى اقپاراتپەن نۇر- سۇلتانا قالاسى اكىمدىگىنىڭ باسپا ءسوز حاتشىسى اكمارال ولجابايەۆا ءوزىنىڭ Facebook پاراقشاسىندا ءبولىستى، حابارلايدى قازاقپارات.

«بيىلعى قاڭتار ايى قار، بۇرقاسىن، ەكپىندى جەل، اۋا تەمپەراتۋراسى انومالدى جوعارى بولۋىمەن ەرەكشەلەندى. تەمپەراتۋرا نورمادان 6 گرادۋسقا جوعارى، ال نورما -14 گرادۋس. قازىرگى تاڭدا جاۋىن شاشىن مولشەرى 50 م م قۇرايدى. نورما 16 م م. بۇگىنگى تاڭدا 3 ايلىق نورما جاۋدى. سونداي- اق، كوپ جىلدىق مالىمەتتەرمەن سالىستىرساق، بۇدان 56 جىل بۇرىن‼ 1964 -جىلى 51 م م قار جاۋعان. ال 1928 -جىلى 131 م م قۇراعان. اقپان ايىنا كونسۋلتاتيۆتى بولجام بويىنشا ورتاشا تاۋلىكتىك تەمپەراتۋرا مەن جاۋىن- شاشىن مولشەرى نورما شاماسىندا. ياعني، جاۋىن- شاشىن مولشەرى 15 م م ، ال اۋا تەمپەراتۋراسى -14 گرادۋس» ، - دەيدى «قازگيدرومەت» ر م ك اۋا رايىن قىسقا مەرزىمگە بولجاۋ باسقارماسىنىڭ باسشىسى الۋا ساحانوۆا.