قازاقستان ازياداداعى 55- مەدالىنە قول جەتكىزدى

استانا. قازاقپارات - قازاقستان ازياداداعى 55- مەدالىن جەڭىپ الدى، دەپ حابارلايدى قازاقپارات ۇلتتىق وليمپيادا كوميەتىنىڭ باسپا ءسوز قىزمەتىنە سىلتەمە جاساپ.

ازيا ويىندارىنىڭ قولا مەدالىنە باتۋتتا سەكىرۋ شەبەرى پىرماممەد الييەۆ قول جەتكىزدى.

سپورتشى بىلىكتىلىگىن دالەلدەۋ كەزىندە جارىستى التىنشى ورىندا اياقتاعان بولاتىن. سوعان قاراماستان، جيناعان ۇپاي سانى پىرماممەد الييەۆتىڭ فينالعا شىعۋىنا مۇمكىندىك بەردى. ول ەكى رەت ونەر كورسەتىپ، 103.470 ۇپاي جينادى.

فينالدا ءاربىر سەكىرۋشى تەك ءبىر رەت قانا ونەر كورسەتۋگە ءتيىس بولاتىن. تورەشىلەر قازاقستاندىق سپورتشىنىڭ شەبەرلىگىن 57.460 ۇپايمەن باعالادى. بۇل ونىڭ ءۇشىنشى ورىندى جەڭىپ الۋىنا مۇمكىندىك بەردى.

 التىن مەدالدى 59.460 ۇپايمەن قىتايلىق دونگ دونگ يەلەندى. ەكىنشى ورىن دا قىتايلىقتاردىڭ قانجىعاسىندا كەتتى. لەي گاو 59.220 ۇپايمەن كۇمىس جۇلدەگە ىلىكتى.