جاپونيادا مەرەكەدەن كەيىنگى كولىك كەپتەلىسى 55 شاقىرىم بولۋى مۇمكىن

استانا. قازاقپارات - جاپونيادا دۇيسەنبى كۇنى كەشكە، جاڭاجىلدىق مەرەكەلەنىڭ اياقتالۋىنا بايلانىستى 55 شاقىرىمدىق كولىك كەپتەلىسى بولۋى مۇمكىن، دەپ حابارلايدى جاپونيا جول قوزعالىسىنىڭ اقپاراتتىق ورتالىعى.

جاپونيادا جۇمىس كۇندەرى 3-4 -قاڭتاردا باستالاتىندىقتان، جاڭا جىلدى قالا ورتالىعىنان تىسقارى تۇراتىن تۋىستارىندا قارسى العان تۇرعىندار ۇيلەرىنە جەتۋگە اسىعادى. توكيو باعىتىنداعى تومەي تاس جولىندا كولىك كەپتەلىسى 55 شاقىرىمنان اسىپ كەتۋى مۇمكىن دەپ بولجانۋدا. وسى جاعداي سايتام جولىندا - 40-45 شاقىرىم، ال ايتيدە - 35 شاقىرىمعا دەيىن جەتۋى مۇمكىن. سينكانسەن تەز جۇرەتىن ەلەكتر پويىزدارى مەن اۋە باعىتتارىنداعى كەپتەلىس سەيسەنبى بولادى دەپ كۇتىلۋدە.