ءبىر عانا ساۋدا جەلىسىندە بەس كۇندە 550 توننا قانت ساتىلعان

نۇر- سۇلتان. قازاقپارات - قازاقستاندا قانت باعاسىنا نە اسەر ەتتى جانە ونىڭ باعاسى قالاي تۇراقتانادى؟ بۇل تۋرالى ق ر ساۋدا جانە ينتەگراتسيا مينيسترلىگى ساۋدا كوميتەتىنىڭ ءتوراعاسى ەرجان قازانبايەۆ ءتۇسىندىردى، دەپ حابارلايدى قازاقپارات ءتىلشىسى.

«قانتقا سۇرانىس كوبەيگەن سايىن قانت باعاسى ءوسىپ جاتىر. سوڭعى مالىمەتتەر بويىنشا، بەس كۇن ىشىندە «ماگنۋم» ساۋدا جەلىسىندە 540-550 توننا قانت ساتىلعان. بۇرىن بەس كۇندە ورتا ەسەپپەن 170 توننا قانت ساتىلاتىن. قانت باعاسى سول سەبەپتى ءوستى. جەرگىلىكتى ورگاندار باسەكەلەستىكتى قورعاۋ جانە دامىتۋ اگەنتتىگىمەن بىرلەسىپ باعانى سەبەپسىز كوتەرگەن كاسىپكەرلەردى تەكسەرىپ، ءتيىستى شارالار قولدانا الادى. وسى اتالعان شارالار قابىلدانعان سوڭ باعا تۇراقتاۋى مۇمكىن»، - دەدى ە. قازانبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ايتا كەتەيىك، ساۋدا نۇكتەلەرىندە باعانى كوتەرۋ فاكتىلەرى انىقتالسا، مىناداي كەرى بايلانىس ارنالارىنا حابارلاسقان ءجون: جەرگىلىكتى اتقارۋشى ورگاندار (اكىمدىكتەر)، ق ر ساۋدا جانە ينتەگراتسيالار مينيسترلىگى تۇتىنۋشىلار قۇقىعىن قورعاۋ كوميتەتىنىڭ «e-Tutynushy» سايتى، ق ر س ي م ساۋدا كوميتەتى جانە ق ر باسەكەلەستىكتى قورعاۋ جانە دامىتۋ اگەنتتىگى.

قازاقستاندا شامامەن 90 مىڭ توننا قانت قورى بار جانە رەسپۋبليكا قانتپەن تولىق قامتاماسىز ەتىلگەن.

اۆتور: ايجان سەرىكجان قىزى