قازاق حاندىعىنىڭ 550 جىلدىعىنا ارنالعان كورمەدە تانىمال سۋرەتشىلەردىڭ تۋىندىلارى قويىلدى
كورمەگە قازاق حاندىعى تاقىرىبىنا نەگىزدەلگەن 70 جۋىق تۋىندى ۇسىنىلدى، دەپ حابارلادى قالالىق اكىمدىكتىڭ باسپا ءسوز قىزمەتىنەن.
كەلۋشىلەر قازاقستاندا ورىن العان ناقتى تاريحي وقيعالارمەن بايلانىستى كۇردەلى كومپوزيتسيالاردى، سيۋجەتتەردى، حالىق جادىندا ساقتالعان بەينەلەرمەن سومدالعان تاريحي تۇلعالاردىڭ پورترەتتەرىن، بەلگىلى دەرەكتەر مەن تاقىرىپتاردى كوركەم سۋرەتتەي وتىرىپ، قازاق تاريحىنىڭ جيىنتىق كارتيناسىن تاماشالاي الادى.
كورمەگە قازىرگى زامانعى سۋرەتشى- گرافيكتەردىڭ جۇمىستارىنان بولەك، قازاقستانداعى گرافيكا باعىتىنىڭ نەگىزىن سالۋشى قۇلاحمەت قوجىقوۆتىڭ دا تۋىندىلارى قويىلعان. كورمەنىڭ نەگىزگى قۇرامى پاستەل تەحنيكاسىنداعى تانىمال سۋرەتشى س. ءالجانوۆتىڭ، قۇرعاق قىلقالام تەحنيكاسىنداعى س. تاينوۆتىڭ تۋىندىلارى، تۋش جانە اكريلمەن سالىنعان ا. ۋتكيننىڭ كومپوزيتسيالارى، ج. ساعىمبايەۆتىڭ گراتتوگرافياسى، جىبەك ماتاعا قالامساپپەن سۋرەت سالۋ - ەرەكشە اۆتورلىق تەحنيكاسىمەن بەرىلگەن و. ەسەنبايەۆتىڭ شىعارمالارىنان تۇرادى. مۇنىمەن قوسا، استانا، الماتى، قاراعاندى، شىمكەنت جانە باسقا دا قالالاردىڭ سۋرەتشىلەرىنىڭ ەڭبەكتەرى كوپشىلىك نازارىنا ۇسىنىلعان.
ق ر سۋرەتشىلەر وداعىنىڭ ءتوراعاسى ب. وماربەكوۆ شارانىڭ اشىلۋ سالتاناتىندا قازاقستان سۋرەتشىلەرى قازاق حاندىعىنىڭ 550 جىلدىعىنا ارنالعان تاقىرىپتى اسقان قىزىعۋشىلىقپەن جەتكىزگەنىن اتاپ ءوتتى.
ەسكە سالايىق، كورمە قازعزۋ قازان ايىنىڭ سوڭىنا دەيىن جالعاسادى.
مەكەن جايى: استانا ق. , قورعالجىن تاسجولى، 8. كىرۋ تەگىن.
