تارازدا قازاق حاندىعىنىڭ 550 جىلدىعىنا وراي مەرەكەلىك شارالار باستالعانعا دەيىن اپتا سايىن ازىق- تۇلىك جارمەڭكەسى وتەتىن بولدى - فوتو
«سەنبى كۇنى وبلىس اكىمى كارىم كوكىرەكبايەۆ تاۋار وندىرۋشىلەردىڭ وبلىستىق جارمەڭكەسىنە باردى. بايزاق، تالاس، سارىسۋ، رىسقۇلوۆ جانە جۋالى اۋداندارىنان اۋىلشارۋاشىلىق ونىمدەرىنىڭ 62,2 تونناسى ساۋداعا قويىلدى»، - دەپ ءتۇسىندىردى وبلىس اكىمىنىڭ باسپا ءسوز قىزمەتىنەن.
تاراز قالاسى مەن وبلىس تۇرعىندارى ءۇشىن 10-20 پايىزعا تومەندەتىلگەن باعامەن ساتىلاتىن 15,5 توننا ەت (جىلقى، سيىر، قوي ەتى)، 6 توننا ءسۇت ونىمدەرى، 1 توننا كونديتەرلىك جانە 2 توننا ماكارون ونىمدەرى ۇسىنىلۋدا. سونداي-اق، 5 توننا بال، 2 مىڭ دانا جۇمىرتقا، 0,5 توننا كەپتىرىلگەن جەمىس جانە 32 توننادان استام كوكونىستەر مەن باقشا ونىمدەرى ساتىلىپ جاتىر.
اكىمدىكتە ايماقتا الەۋمەتتىك- ماڭىزدى تاۋارلاردىڭ باعالارىن تۇراقتاندىرۋ بويىنشا قۇرىلعان جۇمىس توبى كۇن سايىن جامبىل وبلىسىندا باعالار ءوسىمىن انىقتاپ وتىر. بۇگىندە وبلىستاعى بازارلار مەن سۋپەرماركەتتەردە باعالار ءوسىمى بايقالعان جوق، قانت تاپشىلىعى انىقتالماعان. قازىرگى كەزدە تۇراقتاندىرۋ قورىنداعى قانتتىڭ ءبىر كەلىسى قالا دۇكەندەرى مەن كوممۋنالدىق بازارلاردا 154 تەڭگەدەن ساتىلادى.
