قازاق حاندىعىنىڭ 550 جىلدىعىن مەرەكەلەۋ كۇندەرى تارازدا ارحەولوگيالىق ساياباق اشىلادى - فوتو

تاراز. قازاقپارات - جامبىل وبلىسى قازاق حاندىعىنىڭ 550 جىلدىعىن تويلاۋعا بەلسەندى تۇردە دايىندالىپ جاتىر.
None
None

وبلىستىق اكىمدىكتەن حابارلاعانداي، قازاق حاندىعىنىڭ 550 جىلدىعىن مەرەكەلەۋ بويىنشا شارالار 9 - قازاندا وتەدى دەپ جوسپارلانعان.

 «قازاق حاندىعىنىڭ مەرەيتويى بارلىق قازاقستان ءۇشىن ماڭىزدى وقيعا، - دەدى جامبىل وبلىسىنىڭ اكىمى كارىم كوكىرەكبايەۆ. - سالتاناتتى شارالار 11 - قىركۇيەكتە استانادا باستالادى. نەگىزگى شارالار بىزدە 9 - قازاندا 550 جىل بۇرىن جانىبەك پەن كەرەي حاندار قازاق مەملەكەتتىگىنىڭ نەگىزىن قالاعان جەر - شۋ وزەنى ماڭىندا وتەدى. كوپتەگەن قوناقتار كەلەدى دەپ كۇتۋدەمىز، بۇگىننىڭ وزىندە ولاردىڭ سانى مىڭ ادامنان استى».

 نەگىزگى شارالاردىڭ ءبىرى تارازعا باتىس جاقتان كىرەر جولدا 30 مەترلىك «قازاق حاندىعىنىڭ 550 جىلدىعى» مونۋمەنتىنىڭ اشىلۋى بولماق.

 «كونە تاراز» ساياباعى وبلىستاعى حالىقارالىق تۋريستىك برەندكە اينالادى دەپ كۇتىلۋدە. قازاقستان العاش رەت ىشكى، ايماقتىق جانە حالىقارالىق تۋريزمدى دامىتۋ ءۇشىن ارگەولوگيالىق نىسانعا يە بولادى. ەكسپو-2017 دۇنيەجۇزىلىك كورمەسىنىڭ قوناقتارى كەلەدى دەپ كۇتىلۋدە.

 مەرەيتوي شارالارى اياسىندا 9 - قازاندا «تاراز - ارەنا» سپورت سارايىندا ق ر پرەزيدەنتىنىڭ سىيلىعى ءۇشىن قازاق كۇرەسىنەن «ەۋرازيا بارىسى» جارىسى وتەدى. «ماڭگىلىك ەل» رەسپۋبليكالىق ايتىسى قازاقستاننىڭ مىقتى سۋىرىپ سالما اقىندارىن جيادى.

 تارازداعى تۇڭعىش پرەزيدەنت ساياباعىندا «قازاق الەمى» تاريحي- ەتنوگرافيالىق شارالارى وتەدى. سونىمەن قاتار قىتايلىق شيان قالاسىنان شىعىپ، ۇلى جىبەك جولى باعىتىمەن جۇرگەن كەرۋەن ەكسپەديتسياسىنىڭ مۇشەلەرىمەن كەزدەسۋ وتەدى.







سوڭعى جاڭالىقتار