بۇگىن استانادا قازاق حاندىعىنىڭ 550 جىلدىعىنا ارنالعان كورمە اشىلادى
استانا قالاسى مادەنيەت باسقارماسىنىڭ حابارلاۋىنشا، كورمەدە قازاقستان سۋرەتشىلەر وداعىنىڭ مۇشەلەرى جانۇزاق ءمۇساپىر جانە ماقسات بەكسۇلتاننىڭ تۋىندىلارى كوپشىلىك نازارىنا ۇسىنىلادى.
جانۇزاق ءمۇساپىردىڭ تۋىندىلارىنا تۋعان ولكەسىنىڭ تابيعاتى ارقاۋ بولعان. ولار ناتيۋرمورتتار، قالا كورىنىستەرى تۇرىندە بەرىلەدى. ەرەكشە نازار اۋداراتىن تۋىندىلار - ەتنوگرافيالىق سيپاتتاعى كارتينالار. «بايگە»، «كۇز»، «بالىقشى»، «قوبىز ءۇنى»، «حان ءتاڭىرى» سەكىلدى ونەر تۋىندىلارىندا قازاق حالقىنىڭ تىنىس-تىرشىلىگى مەن تۇرمىسى، تۋعان ولكە تابيعاتى بەينەلەنگەن.
سونداي-اق كورمە قوناقتارى كوپتەگەن جاس تالانتتاردىڭ تالىمگەرى بولىپ جۇرگەن ماقسات بەكسۇلتاننىڭ شىعارماشىلىعىمەن تانىسا الادى. سۋرەتشىنىڭ ايتۋلى تۋىندىلارىنىڭ ءبىرى - «اڭىراقاي شايقاسى» كارتيناسى كوپشىلىكتىڭ كوڭىلىنەن وزىندىك ورنىن الارى ءسوزسىز.
