اقمولا وبلىسىندا قازاق حاندىعىنىڭ 550 جىلدىعىنا ارنالعان ينتەللەكتۋالدىق كونكۋرس ءوتتى
ونى اقمولا وبلىستىق ءبىلىم باسقارماسى، اقمولا وبلىسىنىڭ «جاس ۇلان» ءبىرىڭعاي بالالار مەن جاسوسپىرىمدەر ۇيىمى» قوعامدىق بىرلەستىگى، دارىندى بالالارمەن شىعارماشىلىق جۇمىس جونىندەگى وبلىستىق وقۋ-ادىستەمەلىك ورتالىعى جانە ستەپنوگور قالاسىنىڭ ءبىلىم ءبولىمى ۇيىمداستىردى.
«جايدارلى جاس ۇلان» جوباسىنىڭ ماقساتى - وسكەلەڭ جاس ۇرپاقتى قازاقستاندىق پاتريوتيزمگە باۋلۋ، مەكتەپ وقۋشىلارىنىڭ شىعارماشىل جانە ينتەللەكتۋالدىق دەڭگەيىن ارتتىرۋ.
كونكۋرسقا اقكول، استراحان، اتباسار، بۇلاندى، ەسىل، ەرەيمەنتاۋ، ەڭبەكشىلدەر، سەلينوگراد اۋداندارىنان جانە ستەپنوگور قالاسىنان 11 كوماندا قاتىستى.
كونكۋرس 2 تۋردان تۇردى، 1- تۋر - تانىستىرۋ، 2- تۋر- ءۇي تاپسىرماسى.
كونكۋرس قورىتىندىسىمەن ونىڭ جەڭىمپازدارى انىقتالدى.
1- ورىن - ستەپنوگور قالاسىنداعى س. سەيفۋللين اتىنداعى كوپبەيىندى 5№ مەكتەپ-ليتسەيىنىڭ «5 ەلەمەنت» كومانداسى؛
2- ورىن - سەلينوگراد قالاسىنىڭ 2№ قوسشى ورتا مەكتەبىنىڭ «شاشى بار جىگىتتەر» كومانداسى.
3- ورىن - اتباسار اۋدانىنداعى مارتىنوۆ ورتا مەكتەبىنىڭ «ۇناماساق قاراما» كومانداسى.
جۇلدەرى ورىندارعا يە بولعاندار «جايدارلى جاس ۇلان» كونكۋرسىنىڭ ديپلومدارىمەن، جەڭىمپاز كۋبوگىمەن، باعالارى جۇلدەلەرىمەن ماراپاتتالدى.
كونكۋرس جەڭىمپازى ستەپنوگور قالاسىنىڭ س. سەيفۋللين اتىنداعى 5№ كوپبەيىندى مەكتەپ-ليتسەيىنىڭ «5 ەلەمەنت» كومانداسى استانا قالاسىندا جىل سايىن وتەتىن «جايدارلى جاس ۇلان» رەسپۋبليكالىق ينتتەللەكتۋالدىق كونكۋرسىندا اقمولا وبلىسىنىڭ نامىسىن قورعايدى.
