تارازدا قازاقستان حاندىعىنىڭ 550 جىلدىعىن وتكىزۋگە 2,9 ميلليارد تەڭگە ءبولىندى - فوتو
ونىڭ ايتۋىنشا، مەرەكەلىك سالتاناتتاردى وتكىزۋ بەلگىلەنگەن نىسانداردىڭ كوپشىلىگىندە قازىردىڭ وزىندە جۇمىستار اياقتالدى.
«تارازدا مەرەيتويلىق شارانى مەرەكەلەۋدى ۇيىمداستىرۋعا ەلدىڭ بارلىق وڭىرلەرى بەلسەنە قاتىستى. پاۆلودار وبلىسى تاۋكە حان كوشەسىندەگى كوپىر ايرىعىن بەزەندىرۋدىڭ بىرەگەي جوباسىن ورىندادى. قوستاناي جانە قىزىلوردا وبلىستارى بىرلەسىپ، «قاراحان» كەسەنەسى تاريحي ەسكەرتكىشى جانىندا اللەيا جاسادى. الماتى وبلىسى جامبىل جابايەۆ اتىنداعى الاڭدى اباتتاندىرۋعا ءوز ۇلەسىن قوستى، - دەدى ول.
- مەرەيتويدىڭ ازىرلىك جۇمىستارىنا جامبىلدىق كاسىپورىندار، ۇيىمدار، جەكە ادامدار قاتىستى. ولار كوشەلەر مەن عيماراتتاردىڭ قاسبەتتەرىن جوندەپ اباتتاندىردى، سونداي- اق مەرەكەلىك شارالار وتكىزۋ جوسپارلانعان نىسانداردىڭ ماتەريالدىق- تەحنيكالىق بازاسىن جاقسارتۋ جۇمىستارىمەن اينالىستى» .
مەرەيتويدى وتكىزۋگە ۇكىمەت رەزەرۆىنەن 2,9 ميلليارد تەڭگە ءبولىندى، دەپ اتاپ ءوتتى ە. ءمانجۋوۆ. «قازاق حاندىعى» مونۋمەنتىن، «ەجەلگى تاراز» مۇراجايىن، ەتنومادەني ورتالىق سالۋعا، وبلىستىق دراما تەاترىن كۇردەلى جوندەۋگە وبلىس بيۋدجەتىنەن 768 ميلليون تەڭگە جۇمسالدى»، - دەپ اتاپ ءوتتى ول.
قازاقستاننىڭ وڭىرلەرى تارازداعى نىسانداردى جاڭعىرتۋعا 870 ميلليون تەڭگە قارجى قوستى. ءبىز سونداي- اق دەمەۋشىلەرمەن بەلسەندى جۇمىس جاسادىق، ولار 860 ميلليون تەڭگەدەي كومەك بەردى.
«جۇمسالعان قاراجاتتاردىڭ ءبارى جامبىل وبلىسىن دامىتۋعا جانە حالقىنىڭ يگىلىگىنە، تۋريستىك كلاستەردى دامىتۋعا پايدالانىلدى»، - دەدى ول.
جامبىل وبلىسى اكىمىنىڭ ورىنباسارى وبلىس ورتالىعىنىڭ قازىرگى ينفراقۇرىلىمدىق جاي- كۇيى مەرەكەلىك شارالار كەزىندە قوناقتاردىڭ جايلى تۇرۋىن قامتاماسىز ەتەتىنىنە سەندىردى.
ەسكە سالا كەتەيىك، قازاق حاندىعىنىڭ 550 جىلدىعىن مەرەكەلەۋ بيىلعى جىلى ەلدىڭ بارلىق وڭىرلەرىندە وتۋدە. بۇدان 550 جىل بۇرىن جايساڭ شاتقالىندا، تالاس جانە شۋ وزەندەرىنىڭ ارالىعىندا كەرەي جانە جانىبەك سۇلتاندار قازاق حاندىعىنىڭ ىرگەسىن قالاعان بولاتىن، جامبىل وبلىسىندا، 7, 8, 9 - قازان كۇندەرى وسى ايتۋلى مەرەكە كەڭ اۋقىمدا اتالىپ وتەدى.
