قازاق حاندىعىنىڭ 550 جىل: تارازداعى مەرەيتويلىق شارالاردا قازاقستان، موڭعوليا، قىتاي جانە وزبەكستاننان 14 جۇپ اقىن ايتىسادى
«دايىندالعان شارالاردىڭ بارلىعىن ايتسام، وندا قىزىقسىز بولىپ قالادى، - دەدى باسپا ءسوز- كونفەرەنسياسىندا جامبىل وبلىسى اكىمىنىڭ ورىنباسارى ەرقانات ءمانجۋوۆ. - قالا تۇرعىندارى مەن قوناقتارىن مادەني- بۇقارالىق شارالاردىڭ اۋقىمدى باعدارلاماسى كۇتىپ تۇر. مەرەكە قۇرمەتىنە ونداعان شارا جوسپارلاندى. ماسەلەن، تۇڭعىش پرەزيدەنت ساياباعىندا كوشپەندىلەر وركەنيەتىنىڭ تاريحىن كورسەتەدى».
«تۇڭعىش پرەزيدەنت ساياباعىندا ەكى كۇن ىشىندە «قازاق الەمى» تاريحي-ەتنوگرافيالىق كەشەنى ۇيىمداستىرىلماق. وندا دالا بيلەۋشىلەرى مەن كوشپەندىلەردىڭ ومىرىندەگى بولشەكتەردەن تۇراتىن ءبىرقاتار كومپوزيتسيا قويىلادى. قولونەر بۇيىمدارىنىڭ، كونە الاشا، قارۋ، زەرگەرلىك بۇيىمداردىڭ كورمەلەرى، كونە سەمسەرلەرمەن جەكپە-جەك ۇيىمداستىرىلادى، كيىز ۇيلەر تۇرعىزىلادى»، - دەدى ە. ءمانجۋوۆ.
«ۇلى جىبەك جولى» ەتنوفەستيۆالدەرى، «دوستىق» ەتنوقالاشىعى، ۇلتتىق ويىندار بويىنشا جارىستار، قازاقتىڭ كيىز ۇيلەرىنىڭ، كوشپەندىلەردىڭ قارۋ-جاراعىنىڭ تاريحى مەن تۇرلەرى بويىنشا تانىمدىق باعدارلامالار، «ارلان» «ساقتاردان قازاقتارعا دەيىن» كوستيۋمدەر تەاترىنىڭ تاريحي شوۋى وتەدى.
«اق شاتىر» ساحناسىندا 9- قازاندا «ماڭگىلىك سارىن» مەملەكەتتىك اكادەميالىق سيمفونيكالىق وركەسترى، «عاسىرلار سازى» فولكلورلىق-ەتنوگرافيالىق ءانسامبلى، «تۇران» ەتنو-فولكلورلىق ءانسامبلى، «قوڭىر» ەتنو-توبىنىڭ باعدارلامالارىن تاماشالاۋعا بولادى.
«8- قازاندا تۇڭعىش پرەزيدەنت ساياباعىندا قىتايلىق شيان قالاسىنان ۇلى جىبەك جولى بويىمەن كەلە جاتقان كەرۋەن ەكسپەديتسياسىن قارسى الادى»، - دەپ اتاپ ءوتتى ە. ءمانجۋوۆ.
سونىمەن قاتار، «قازاق حاندىعى» مونۋمەنتىنىڭ سالتاناتتى اشىلۋى وتەدى، الماتى قالاسىنىڭ، قىزىلوردا، وڭتۇستىك قازاقستان جانە الماتى وبلىستارىنىڭ مەرەكەلىك كونسەرتتىك باعدارلامالارى باستالادى. بۇل كۇنى «كونە تاراز» مۇراجايى اشىلىپ، قازاق حاندىعىنىڭ 550 جىلدىعىنا ارنالعان كىتاپتار تانىستىرىلادى. «بالاساعۇن» و ك ز- دا 2 كۇندىك ايتىس وتەدى. وندا قازاقستان، موڭعوليا، قىتاي جانە وزبەكستاننىڭ 14 جۇپ اقىنى كەزدەسەدى.
م. اۋەزوۆ اتىنداعى الماتىلىق تەاتر مەن جەرگىلىكتى تەاتر ترۋپپالارى تاريحي قويىلىمدار قويادى.
تارازا يپپودرومىندا جىلقى پولوسى ويىنىنىڭ تانىستىرىلىمىن وتكىزۋ جوسپارلاندى. «اتشابار» جىلقى-سپورتتىق كەشەنىندە جىلقى سپورتىنىڭ جارىستارى وتەدى.
9- قازاندا «تاراز ارەنا» سپورت سارايىندا ق ر پرەزيدەنتىنىڭ سىيلىعىنا قازاق كۇرەسى بويىنشا «ەۋرازيا بارىسى» حالىقارالىق تۋرنيرى وتەدى.
مەرەيتويلىق شارالار تەاترلاندىرىلعان قويىلىم مەن ورتالىق ستاديونداعى مەرەكەلىك گالا- كونسەرتپەن اياقتالادى.
ەسكە سالا كەتەيىك، قازاق حاندىعىنىڭ 550 جىلدىعىن تويلاۋ بيىل ەلدىڭ بارلىق ايماعىندا وتۋدە. نەگىزگى شارالار 550 جىل بۇرىن تالاس پەن شۋ وزەندەرى اراسىندا كەرەي مەن جانىبەك حاندار قازاق حاندىعىن قۇرعان جامبىل وبلىسىندا وتەدى.
