قازاق حاندىعىنىڭ 550 جىلدىعى اتتى 10 بولىمنەن تۇراتىن دەرەكتى فيلمنىڭ ءتۇسىرىلىمى اياقتالدى
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتىنىڭ ديرەكتورى اقتوتى رايىمقۇلوۆا ءمالىم ەتتى.
«قازاق حاندىعىنىڭ 550 جىلدىعى» اتتى 10 بولىمنەن تۇراتىن دەرەكتى فيلم بويىنشا بۇگىندە تۇسىرىلىمدەر اياقتالىپ، وندىرىستىك مونتاجداۋ كەزەڭى جۇرگىزىلىپ جاتىر. بۇل دەرەكتى فيلمگە ەلىمىزدىڭ جانە شەتەلدىڭ بەتكە ۇستار عالىمدارى، اقىندار، رەجيسسەرلەر قاتىستى»، - دەدى ا. رايىمقۇلوۆا.
سونىمەن قاتار ول بيىل شىلدەدە قازاق حاندىعىنىڭ 550 جىلدىعىن تويلاۋ اياسىندا «دەشتى- قىپشاق: قۇپيا بەلگىلەر» دەپ اتالاتىن ەكى سەريالى دەرەكتى فيلم كورەرمەنگە جول تارتقانىن ەسكە سالىپ ءوتتى. ق ر مادەنيەت جانە سپورت مينيسترلىگىنىڭ باستاماسىمەن تۇسىرىلگەن فيلمنىڭ سەناري اۆتورى ءارى جوبا رەجيسسەرى - باقىت قايىربەكوۆ.
اۆتور: رۋسلان عابباسوۆ
