تالدىقورعاندىقتارعا 54 ميلليون تەڭگە شىعىن كەلتىرگەن الاياقتار توبى ۇستالدى
كەلتىرىلگەن شىعىننىڭ جالپى سوماسى 53 ميلليون تەڭگەدەن استام. توپتىڭ قۇرامىنا سوڭعى بىرنەشە جىل بىرلەسىپ الاياقتىقپەن اينالىسقان 1974-1989 -جىلدار ارالىعىندا تۋعان ءتورت ايەل كىرگەن. ايىپتاۋ قورىتىندىسىنا سايكەس قىلمىستىق توپتىڭ ءىس- ارەكەتى جۇيەلى ۇيىمداستىرىلعان.
ولار نەگىزىنەن قالا تۇرعىندارىنا مەملەكەتتىك باعدارلاما بويىنشا پاتەر الۋعا كومەكتەسۋگە، سونداي- اق باسقا دا ماسەلەلەردى شەشۋگە جاردەمدەسۋگە ۋادە بەرگەن. اتقارىلعان جۇمىس ءۇشىن الاياقتار شەتەلدىك جانە ۇلتتىق ۆاليۋتامەن، اۋدارىم ارقىلى جانە «قولما- قول اقشامەن» سىياقى العان. ءبىر جاعدايدا ولار ءتىپتى ءتىرى مال الۋعا كەلىسكەن.
تەرگەۋ امالدارى بىرنەشە ايعا سوزىلىپ، ناتيجەسىندە 4 كۇدىكتى دە سوتتالدى. سوت ايىپتالۋشىلاردىڭ ءارقايسىسىندا جاس بالالاردىڭ بولۋىن جانە جاساعان قىلمىستارىن مويىنداپ، وكىنەتىندىگىن، سونداي- اق جابىرلەنۋشىلەرگە كەلتىرىلگەن شىعىندى تولىق قالپىنا كەلتىرگەندىگىن ەسكەردى.
«سوت ۇكىمىمەن سوتتالۋشىلاردىڭ بىرەۋىنە شارتتى تۇردە 4 جىل باس بوستاندىعىنان ايىرۋ، ال قالعان ۇشەۋىنە 3,5 جىل باس بوستاندىعىن شەكتەۋ تۇرىندەگى جازا تاعايىندالدى»، - دەلىنگەن جەتىسۋ وبلىسى پد باسپا ءسوز قىزمەتىنىڭ حابارلاماسىندا.
