يراندا كوروناۆيرۋس قۇرباندارىنىڭ سانى 54 كە جەتتى
ءبىر تاۋلىكتە تاعى 385 ادام اتالمىش ۆيرۋستى جۇقتىرىپ ۇلگەرگەن. بۇل جونىندە جەكسەنبى كۇنى يران يسلام رەسپۋبليكاسى دەنساۋلىق ساقتاۋ مينيسترلىگىنىڭ وكىلى كيانۋش دجاحانپۋر مالىمدەدى.
ونىڭ ايتۋىنشا، ينفەكتسيا جۇقتىرعانداردىڭ جالپى سانى - 978. ونىڭ ىشىندە جۇزدەن استام ادام اۋرۋدان جازىلعان، 54 ادام ومىردەن وزعان.
«جاڭا جاعدايلاردىڭ كوپشىلىگى، ياعني 170 ءى تەگەراندا تىركەلىپ وتىر. كۋمدا – 30، گيلياندا – 28، يسفاحاندا – 13، ماركازي پروۆينتسياسىندا – 14، مازەندەراندا – 11، وڭتۇستىك حوراساندا – 2، يلامدا – 1، فارس پروۆينتسياسىندا – 8، حوراسان رازاۆيدە – 17، كەرمانشاحتا – 2، لورەستاندا – 8، حورموزگاندا – 2، حاماداندا – 3، البورزدا – 31، سەمناندا – 3، كەرماندا – 2، كۇردىستاندا – 5، حۋزەستاندا – 9، سيستان جانە بەلۋدجيستان پروۆينتسياسىندا - ءبىر جاعداي بولدى. ونىڭ ىشىندە 11 ادام قايتىس بولدى»، - دەپ اتاپ ءوتتى ول.
ەسكە سالا كەتەيىك، كەشە مينيسترلىكتىڭ وكىلى يراندا 43 ادامنىڭ كوروناۆيرۋستان قازا تاپقانىن مالىمدەگەن ەدى.
