18:03, 02 - اقپان 2019 | GMT +6
اتىراۋدا 53 جاستاعى قىتاي ازاماتى ديرەكتور بولىپ زاڭسىز جۇمىس ىستەگەن
اتىراۋ. قازاقپارات - اتىراۋدا جىل باسىنان بەرى 26 شەتەل ازاماتى ەل اۋماعىنان تىسقارى شىعارىلدى، دەپ حابارلايدى قازاقپارات ءتىلشىسى.
تاياۋدا سوت تورەلىگىمەن ق ح ر ازاماتىن ەل اۋماعىنان شىعارۋ جونىندە شەشىم قابىلداندى. 53 جاستاعى شەتەل ازاماتى وبلىس اۋماعىنا ىسكەرلىك ۆيزامەن (ول ۆيزامەن جۇمىس جاساۋعا رۇقسات ەتىلمەيدى) كەلىپ، قالاداعى كومپانيالاردىڭ بىرىندە قارجى ديرەكتورى بولىپ ەڭبەك ەتكەن.
«كوشى-قون پوليتسياسى جۇرگىزگەن جەدەل الدىن الۋ شارالارى ناتيجەسىندە ق ر زاڭناماسىن ورەسكەل بۇزعانى ءۇشىن 26 شەتەل ازاماتى ەلدەن شىعارىلعان. ولاردىڭ 22 سى - وزبەكستان ازاماتى بولسا، 4 ەۋى - قىتاي ازاماتى»، - دەپ حابارلادى پوليتسيا دەپارتامەنتىنىڭ باسپا ءسوز قىزمەتى.
ايتا كەتەلىك، 2019 -جىلى كوشى-قون سالاسى بويىنشا 594 اكىمشىلىك زاڭبۇزۋشىلىق انىقتالعان.