استانانىڭ قىز- كەلىنشەكتەرى 53 مىڭ كاسىپورىندى باسقارىپ وتىر

استانا. قازاقپارات - بۇگىن استانادا «بيزنەس- استانا قالاسى بويىنشا كاسىپكەرلەر پالاتاسى ىسكەر ايەلدەر كەڭەسىنىڭ ۇيىمداستىرۋىمەن ەلوردادا «بيزنەس يدەيالار وازيسى» اتتى Ⅱبيزنەس يدەيالار مەن ىسكەر ايەلدەردىڭ فورۋمى ءوتتى. «دامۋ» كاسىپكەرلىكتى دامىتۋ قورىنىڭ استانا قالاسىنداعى ايماقتىق فيليال ديرەكتورى يسلامبەك قايىربەكوۆ ەلوردادا ايەل ادامدار باسقاراتىن نەشە كاسىپورىن بار ەكەنىن ءمالىم ەتتى،

 دەپ حابارلايدى قازاقپارات.

«قازاقستانداعى شاعىن جانە ورتا كاسىپكەرلىك سەكتورىندا كاسىپكەر ايەلدەردىڭ ۇلەسى 42 پايىزدى قۇرايدى. شەت ەلدەردىڭ ستاتيستيكاسىمەن سالىستىرساق، فرانسيا مەن بريتانياداعى فيرمالاردىڭ 25 پايىزىن ايەلدەر، جاپونيادا كاسىپورىنداردىڭ 23 پايىزىن، ا ق ش- تاعى كاسىپورىنداردىڭ 38 پايىزىن نازىك جاندىلار باسقارادى ەكەن»، - دەپ ءمالىم ەتتى ي. قايىربەكوۆ.

ال، استانا قالاسى بويىنشا شاعىن جانە ورتا كاسىپكەرلىكتەگى باسشىلاردىڭ 43 پايىزى - قىز- كەلىنشەكتەر ەكەن.

«استانا قالاسى بويىنشا قىز- كەلىنشەكتەر 53 مىڭ كاسىپورىندى باسقارىپ وتىر. بۇل ەلورداداعى جۇمىسى قارقىندى كومپانيالاردىڭ 43 پايىزىن قۇرايدى»، - دەپ حابارلادى ول.

 ال، استانا قالاسى كاسىپكەرلەر پالاتاسىنىڭ جانىنداعى ىسكەر ايەلدەر كەڭەسىنىڭ ءتوراعاسى باعيعا بەيسەمبايەۆانىڭ ايتۋىنشا، بىلتىر ەلورداداعى كاسىپكەرلەر پالاتاسى ارقىلى ايەلدەردىڭ 34 ينۆەستيتسيالىق جوباسى جۇزەگە اسىرىلعان ەكەن.

اۆتور: كەنجەكەي توقتامۇرات قىزى