تۇركيادا تەرمومەتر 52 گرادۋستى كورسەتتى
ادانا، مەرسين، حاتاي جانە وسمانيەدە 40 گرادۋستان اسقان اۋا تەمپەراتۋراسى حالىقتىڭ كۇندەلىكتى تىرشىلىگىنە كادىمگىدەي كەرى اسەرىن تيگىزىپ وتىر.
اۋا تەمپەراتۋراسى 44,4 گرادۋسقا جەتكەن ادانادا ادام كوپ جۇرەتىن كوشەلەر مەن بۋلۆارلاردا تىنىشتىق ورنادى، ساياق جۇرگەن كىسى جوق.
كوشەگە شىققاندار ىستىقتان قورعانۋ ءۇشىن ساياباقتار مەن دەمالىس ورىندارىنداعى شاتىرلاردى پانالايدى.
كەي ادامدار قالپاق كيىپ، قولشاتىر الىپ، اپتاپتىڭ اسەرىن ازايتۋعا تىرىستى.
مەرسيندە ىلعال 50 پايىزدان استى. ال اۋا تەمپەراتۋراسى 40 گرادۋستان جوعارى.
قالا ورتاسىنداعى جاعاجايلار مەن الاڭداردا ەشكىم جوق. جاعالاۋدا سەرۋەندەۋشىلەر اعاشتاردىڭ كولەڭكەسىنە تىعىلدى.
6-اقپاندا كاحرامانماراشتا بولعان جەر سىلكىنىسىنەن ەڭ قاتتى زارداپ شەككەن پروۆينسيالاردىڭ ءبىرى حاتايدا اۋا تەمپەراتۋراسى 43 گرادۋستان استى.
ەل كۇن ساۋلەسىنەن قورعانۋ ءۇشىن كولەڭكە مەن اعاشتاردىڭ ءتۇبىن سايالاپ وتىر.
وڭىردەگى ىستىق اۋا رايى وسمانيەگە دە اسەر ەتتى.
قالىپتى اۋا تەمپەراتۋراسىنىڭ ءوزى 44 گرادۋسقا جۋىقتايتىن قالادا تۇرعىندار دالاعا تەك كەشكى ۋاقىتتا شىعاتىن بولدى.
كۇننىڭ اسەرىنەن ادنان مەندەرەس كوشەسىندەگى تەرمومەتر 52 گرادۋستى كورسەتتى.
