ا ق ش تاياۋ شىعىس ەلدەرىمەن قارۋ ساتۋ تۋرالى 52 ميلليارد دوللارلىق كەلىسىمشارتقا قول قويدى
استانا. قازاقپارات- ا ق ش- تىڭ مەملەكەتتىك دەپارتامەنتى قۇنى 80 ميلليارد دوللار تۇراتىن قارۋ- جاراقتى باسقا ەلدەرگە ساتۋعا رۇقسات بەردى. رەكوردتىق سوما تۋرالى امەريكالىق «ديفەنس نيۋز» اسكەري باسىلىمى جاريالادى.
52 ميلليارد دوللارعا باعالانعان 27 كەلىسىمشارت تاياۋ شىعىستاعى ەلدەرىمەن ارادا جاسالماق. جەرگىلىكتى بۇقارالىق اقپارات قۇرالدارىنىڭ حابارلاۋىنشا، كەلىسىمدەردى ا ق ش- تىڭ سىرتقى ساياسات جونىندەگى مەكەمەسى عانا ماقۇلداعان. بۇل قۇجاتقا قاتىستى سوڭعى شەشىمدى كونگرەسس قابىلدايدى. ايتا كەتۋ كەرەك، سايىپ كەلگەندە مۇنداي كەلىسىمشارتتاردىڭ كوبى ىسكە اسپاي جاتادى.
www.24.kz
