قازاقستان ب ۇ ۇ ادامي دامۋ يندەكسىندە 51-ورىندا تۇر
سەنات دەپۋتاتتارى مەن ب ۇ ۇ دامۋ باعدارلاماسىنىڭ وكىلدەرى قازاقستانداعى ادامي دامۋدى ىلگەرىلەتۋ ماسەلەلەرىن تالقىلادى.
«بۇل كەزدەسۋ ەلىمىز ءۇشىن ماڭىزدى داتا - تاۋەلسىزدىكتىڭ جانە ب ۇ ۇ- عا مۇشەلىكتىڭ 30 جىلدىعىمەن تۇسپا- تۇس كەلدى. قازاقستان بۇل مەرەيتويعا پروگرەسس پەن تۇراقتى دامۋدىڭ جاقسى كورسەتكىشتەرىمەن كەلدى دەپ تولىق سەنىممەن ايتۋعا بولادى. اۋقىمدى رەفورمالاردىڭ ارقاسىندا ەكونوميكانىڭ ءىس جۇزىندەگى كولەمى 2,5 ەسەگە ۇلعايدى. جان باسىنا شاققانداعى ج ءى و دوللارلىق بالامادا 13 ەسەگە ءوستى جانە رەسپۋبليكامىزعا ورتالىق ازياداعى ءسوزسىز كوشباسشىلىقتى قامتاماسىز ەتتى. بۇل ءبىزدىڭ ەلىمىزگە ادام دامۋىنا ايتارلىقتاي ينۆەستيتسيا سالۋعا مۇمكىندىك بەردى. بەلسەندى الەۋمەتتىك ساياسات ارقىلى 2011-2020 -جىلدارى قازاقستانداعى كەدەيلىك دەڭگەيى 47 پايىزدان 5 پايىزعا دەيىن تومەندەدى. 30 جىل ىشىندە قازاقستاندا 1800 مەكتەپ جانە 1827 دەنساۋلىق ساقتاۋ نىسانى سالىندى. 2000 -جىلدان باستاپ ەل حالقى 4 ميلليوننان استام ادامعا كوبەيدى، ءومىر ءسۇرۋ ۇزاقتىعى 73 جاسقا دەيىن ءوستى»، - دەدى سەنات ءتوراعاسىنىڭ ورىنباسارى ولگا پەرەپەچينا دوڭگەلەك ۇستەل بارىسىندا.
سونىمەن بىرگە، بۇۇ دامۋ باعدارلاماسىنىڭ قازاقستانداعى وكىلى ياكۋپ بەريش قازاقستان دامۋدىڭ ماڭىزدى ناتيجەلەرىنە قول جەتكىزگەنىن اتاپ ءوتتى.
«ەل دامۋدىڭ ايتارلىقتاي ناتيجەلەرىنە قول جەتكىزدى، ءتۇيىندى نارىقتىق رەفورمالار ىسكە اسىرىلدى، كەدەيشىلىك دەڭگەيى قىسقارتىلدى، حالىققا مەملەكەتتىك قىزمەت كورسەتۋ جۇيەسى جەتىلدىرىلدى. الايدا، بۇل پروگرەستى جاڭا جاھاندىق، وڭىرلىك جانە ۇلتتىق سىن- قاتەرلەرى بار نازىك جانە بولجاپ بولمايتىن ورتا جاعدايىندا ساقتاپ قالۋ اسا ماڭىزدى»، - دەدى ياكۋپ بەريش.
ول سونداي- اق ارىپتەستىك قارىم- قاتىناستاردى جولعا قويۋدىڭ ماڭىزدىلىعىن اتاپ ءوتىپ، ب ۇ ۇ د ب- نىڭ ەلدى جانە قازاقستان حالقىن وسى جولدا قولداۋعا دايىن ەكەنىن ايتتى.
شارا اياسىندا ەۋروپا جانە ت م د ەلدەرىندەگى بۇۇ دامۋ باعدارلاماسى ايماقتىق بيۋروسىنىڭ باس ەكونوميسى بەن سلەي ادام دامۋىنىڭ نەگىزگى قۇرامداس بولىكتەرى، ونىڭ ىشىندە دەنساۋلىق ساقتاۋ، ءبىلىم بەرۋ جانە لايىقتى ءومىر ءسۇرۋ جاعدايى جونىندەگى قازاقستاننىڭ ىلگەرىلەۋىنە شولۋ جاسادى.
شولۋعا سايكەس، سوڭعى 30 -جىلدا قازاقستاننىڭ ادامي دامۋ يندەكسىنىڭ جاھاندىق رەيتينگىندەگى ماڭىزى ايتارلىقتاي جاقساردى. قازاقستان ءاربىر ونجىلدىقتىڭ سىن- قاتەرلەرىنە جاۋاپ بەرە وتىرىپ، ادامي دامۋدى بەلسەندى باسقاردى. ەل ءوزىنىڭ ادامي دامۋ يندەكسىن ارتتىرىپ، ادام دامۋىنىڭ دەڭگەيى وتە جوعارى ەلدەر توبىنا كىرە الدى، 189 ەل مەن اۋماقتىڭ اراسىندا 51- ورىنعا يە بولدى. جالپى، 30 جىل ىشىندە ادامي دامۋ يندەكسىنىڭ ورتاشا جىلدىق ءوسۋى %0,6 قۇراعان.