پەتروپاۆلدا 51 جاستاعى ايەل ورىنسىز قالجىڭى ءۇشىن سوتتالىپ كەتتى

 استانا. قازاقپارات -  پەتروپاۆل تۇرعىنى ءازىل ايتام دەپ 1,5 جىلعا باس بوستاندىعىنان ايىرىلدى. ول ساۋدا ۇيلەرىنىڭ بىرىندە بومبا قويىلعانىن ايتىپ، ىشكى ىستەر ورگاندارىنا جالعان اقپارات بەرگەن.

پەتروپاۆلداعى ساۋدا ۇيلەرىنىڭ بىرىندە بومبا قويىلعانىن ايتىپ، ىشكى ىستەر ورگاندارىنا جالعان اقپارات بەرگەن 51 جاستاعى ايەلگە قاتىستى سوت ۇكىمى شىقتى. 2018 -جىلدىڭ ءساۋىر ايىندا سوتتالۋشى ايەل «سوكول» ساۋدا ۇيىنە جارىلعىش قويىلدى» دەپ حابارلاپ جۇرتتى دۇرلىكتەرگەن بولاتىن. جالعان حابارلامانىڭ كەسەلىنەن قالاداعى بارلىق كۇش قۇرىلىمدارى جۇمىلىپ، حالىقتى قاۋىپسىز جەرگە كوشىرىپ اۋرەگە تۇسكەن بولاتىن.

اقىرى اتالمىش ساۋدا ۇيىنەن بومبا تابىلمادى. كوپ وتپەي جالعان حابار بەرىپ قوڭىراۋ شالعان ادام ۇستالدى. سوت ۇكىمىمەن 51 جاستاعى سوتتالۋشى ءبىر جارىم جىلعا باس بوستاندىعىنان ايىرىلدى. جىل باسىنان بەرى وبلىس اۋماعىندا ءدال وسىنداي 7 جاعداي تىركەلگەن. اسىرەسە، مۇنداي ورىنسىز قالجىڭنىڭ نىسانى رەتىندە ادامدار كوپ جينالاتىن ورىن تاڭدالاتىن كورىنەدى.

Stan.kz