ۇيالى تەلەفون 50 جىل بۇرىن العاش رەت پايدالانىلدى
«موتورولا» كومپانياسىنىڭ ينجەنەرى مارتين كۋپەر وسى كۇنى AT&T Bell Labs تەلەفونىن جاسايتىن باسەكەلەسى دجوەل ەنگەلگە ۇيالى تەلەفونىمەن العاش رەت قوڭىراۋ شالعان. ۇيالى بايلانىستى قولدانۋ يدەياسى 1946 -جىلى AT&T Bell Labs ماماندارىنىڭ ويىنا كەلگەن. بۇل كومپانيا كولىكتەرگە ورناتىلاتىن راديوتەلەفونداردى العاش بولىپ جاساپ شىعارعان. ءبىراق العاشقى ۇيالى اپپاراتىن موتورولا جاسادى.
العاشقى Motorola DynaTAC ۇيالى تەلەفونىن شاعىن قۇرىلعى دەپ ايتۋعا كەلمەيتىن ەدى. ونىڭ سالماعى 1 كەلىدەن استام، ۇزىندىعى 22 سانتيمەتر بولاتىن. سىرتقى ءتۇرى كىرپىشكە ۇقسايتىن، دەپ ءبولىستى rarephones.ru سايتى.
Motorola DynaTAC سەگىز ساعات، ال سويلەسىپ جاتقان كەزدە 1 ساعات بويى جۇمىس ىستەي الاتىن. ونى قۋاتتاۋعا 10 ساعاتتان استام ۋاقىت قاجەت ەدى. ونىڭ ديسپلەيى مەن باسقا دا قوسىمشا فۋنكتسيالارى بولعان جوق. تەلەفوننىڭ ستاتسيونارلىق انتەننى شىعىپ تۇراتىن. ونىڭ بەتكى پانەلىندە 12 باتىرما بار ەدى: 10 سان مەن قوڭىراۋدى قابىلدايتىن جانە وشىرەتىن 2 تۇيمەسى بولدى. بايلانىس ءۇزىلىپ كەتسە، قايتا قوڭىراۋ شالۋ ءۇشىن سانداردى تەرەتىن. Motorola ۇيالى تەلەفونىنىڭ قۇنى دا باس اينالدىرارلىق ەدى. ول 3500 دوللار تۇراتىن.
قازىرگى ۋاقىتتاعى پرەميۋم كلاستاعى گادجەتتەر ءۇشىن دە وتە قىمبات. ۇيالى بايلانىس تەحنولوگيسى 70- جىلدارى عانا ءساتتى بولىپ، كوممەرتسيالىق تۇرعىدان سۇرانىسقا يە بولا باستادى. تەك 1984 -جىلى ا ق ش- تاعى العاشقى Ameritech Mobile موبيلدى جەلىسى ىسكە قوسىلعاننان كەيىن ءبىر جىل وتكەن سوڭ، وپەراتوردىڭ ابونەنتتىك بازاسى 12 مىڭنان استام ادامدى قۇرادى.
ستاتيستيكاعا سايكەس، قازاقستانداعى ۇيالى بايلانىس ابونەنتتەرىنىڭ سانى 2022 -جىلى 25 ميلليوندى قۇرايدى.
اۆتور
اقبوپە ءابدراسۋل
