الماتىدا قىلمىس 50 پايىزعا جۋىق ازايعان
كەزدەسۋ ونلاين رەجيمدە «الماتى» تەلەارناسىنىڭ ەفيرىندە ءوتتى، دەپ حابارلايدى قازاقپارات ءتىلشىسى.
قانات تايمەردەنوۆتىڭ ايتۋىنشا، 2020 -جىلى قالادا قىلمىس دەڭگەيى 47,8 پايىزعا تومەندەگەن.
«2020 -جىلى الماتى پوليتسياسىنىڭ قىزمەتى قازاقستان رەسپۋبليكاسى پرەزيدەنتىنىڭ جولداۋىنىڭ تالاپتارىن جۇزەگە اسىرۋعا، سونداي- اق، اعىمداعى جىلدى - پروفيلاكتيكا جىلى دەپ جاريالاعان ىشكى ىستەر ءمينيسترىنىڭ تاپسىرمالارىن ورىنداۋعا باعىتتالدى.
وسىلايشا، وتكەن جىلى قابىلدانعان شارالاردىڭ ناتيجەسىندە قالادا قىلمىس دەڭگەيىن 47,8، ونىڭ ىشىندە اۋىر جانە ەرەكشە اۋىر قىلمىستاردى 2,5 ەسەگە ازايتۋعا مۇمكىندىك تۋدى. قوعامدىق ورىنداردا جاسالعان قىلمىستار سانى 4 ەسەگە ازايدى. تالداۋ كورسەتكەندەي، قالادا قىلمىستىڭ ازايۋىنا كارانتيندىك شارالاردى كۇشەيتۋ، مودۋلدىك بەكەتتەر قۇرۋ، پاترۋلدىك پوليتسيا
پولكىنىڭ %30 ىن جاياۋ پاترۋلگە اۋىستىرۋ سەبەپ بولدى»، - دەدى الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ تىكەلەي ەفير كەزىندە.
سپيكەردىڭ ايتۋىنشا، قابىلدانعان شەكتەۋ شارالارى قالاداعى قىلمىستاردىڭ نەگىزگى بولىگىن سىرتتان كەلگەندەر جاسايتىندىعىن كورسەتتى.
«جالپى، دەپارتامەنتتىڭ كادرلىق جانە ماتەريالدىق- تەحنيكالىق الەۋەتى بىزگە جۇكتەلگەن مىندەتتەردى ويداعىداي ورىنداۋعا، ەلىمىزدىڭ ءىرى شاھارىندا زاڭدىلىق پەن ءتارتىپتى ءتيىستى دەڭگەيدە قامتاماسىز ەتۋگە، سونداي-اق، ازاماتتاردىڭ كونستيتۋتسيالىق قۇقىقتارىن قورعاۋعا مۇمكىندىك بەرەدى»، - دەپ تۇيىندەدى قانات تايمەردەنوۆ.