اتىراۋ وبلىسىندا ايىپپۇلى تولەنبەگەن 50 گە جۋىق كولىك ارنايى تۇراققا قويىلدى
كولىكتىڭ 29 ى رەسەي فەدەراتسياسىندا، 13 ى ارمەنيا رەسپۋبليكاسىندا تىركەلگەن، دەپ حابارلايدى قازاقپارات اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«وبلىس اۋماعىندا 8-16-اقپان ارالىعىندا «بورىشكەر» جەدەل- پروفيلاكتيكالىق ءىس-شاراسى وتكىزىلەدى. شارا كەزىندە كامەرا كومەگىمەن انىقتالعان جول ەرەجەسىن بۇزۋ فاكتىسى بويىنشا سالىنعان اكىمشىلىك ايىپپۇلدى ءوندىرۋ، ءتيىستى ورگاندارمەن بىرلەسىپ بورىشكەرلەردى انىقتاۋ، ايىپپۇلدى تولەۋ قاجەتتىگى تۋرالى راسىمدەلگەن نۇسقامانى قۇقىقبۇزۋشىلارعا تىكەلەي تاپسىرۋ جۇزەگە اسىرىلادى»، دەلىنگەن حابارلامادا.
ەكى كۇنى ىشىندە پوليتسيا 50 گە جۋىق ايىپپۇلىن تولەمەگەن جۇرگىزۋشىنى انىقتاپ، كولىكتەرىن ايىپپۇل تۇراعىنا جەتكىزدى. وسىنىڭ ىشىندە 20 عا جۋىق اۆتوكولىكتى «اۆتوۋراگان» كوشپەلى كەشەنى انىقتادى. سونداي-اق، ايىپپۇلى بار جۇرگىزۋشىلەرگە ونىڭ تولەۋ قاجەتتىلىگى تۋرالى راسىمدەلگەن 130 نۇسقاما تىكەلەي تاپسىرىلدى.
پ د باسپا ءسوز قىزمەتىنىڭ مالىمەتىنشە، شارا بارىسىندا جەرگىلىكتى پوليتسيا قىزمەتكەرلەرى كولىك يەلەرىنە ايىپپۇلدى ۋاقىتىلى تولەۋ قاجەتتىگىن، ايىپپۇلدى تولەۋ مەرزىمى ءوتىپ كەتكەندە نە ىستەۋ كەرەكتىگىن جانە تولەۋ تاسىلدەرى تۋرالى تۇسىندىرگەن.
