جۇلدىزشى: 50 جىلدان كەيىن شىمكەنتتە قار جاۋمايدى
بۇل تۋرالى عالىم جۋرناليستەرگە بەرگەن سۇحباتىندا ايتتى دەپ حابارلايدى ەۋرازيا ءبىرىنشى ارناسى.
نۇرعابىل قوزىباي اۋا رايىن بولجاۋعا 30 جىلعا جۋىق عۇمىرىن ارناعان. جۇلدىزشى ءتىپتى عىلىمعا قاجەتتى اقپاراتتاردى جيناستىرىپ، جاقىندا كىتاپ شىعارماقشى ەكەن.
ونىڭ سوزىنشە، ءاربىر ىستىق التى ايدا اينالىپ كەلسە، قۋاڭشىلىق ءتورت جىلدا، كۇننىڭ قاتتى سۋىتۋى 12 جىلدا قايتالانادى ەكەن.
«ءدال قازىر شىمكەنت قالاسىندا كۇندىز -5، تۇندە -10 گرۋداستان تومەن سۋىق بولمايدى. دەمەك، شىمكەنت قالاسى -2 گرادۋسقا جىلي بەرەتىن بولسا، ەندى 10 جىلدا 2 گرادۋسقا جىليدى، ال 50 جىلدا 10 گرادۋسقا جىليدى.
50 جىلدان كەيىن تاعى 10 گرادۋس قوسىلاتىن بولسا، شىمكەنت قالاسىندا 0 گرادۋستان تەمپەراتۋرا تۇسپەيدى دەگەن ءسوز.
«0 گرادۋسقا تەمپەراتۋرا جەتپەيتىن بولسا، قىستىڭ كۇنى كۇن جىلى بولعاندىقتان جاڭبىر جاۋىپ تۇرادى، قار جاۋمايدى»، - دەيدى نۇرعابىل قوزىباي.
50 جاستاعى عالىم وڭتۇستىك ءوڭىردىڭ ءجۇز جىلدىق كۇنتىزبەلىك كەستەسىن جاساپ شىعارعانىن جەتكىزدى.
ونىڭ ايتۋىنشا، وندا اۋا رايىنىڭ جاڭبىرلى نە قۋاڭشىلىق بولاتىنى تۋرالى ناقتى كورسەتىلىپتى.
جۇلدىز-جورامالشى بىلتىر وبلىستىڭ كەيبىر اۋداندارىندا قۇرعاقشىلىق بولىپ، جەرگە ءشوپ شىقپاي قالعانىن ءۇش جىل بۇرىن بولجاعانىن ايتادى.
