جاڭادان قۇرىلاتىن «استانا كينوستۋدياسىنا» ەكسپو ماڭىنان 50 گەكتار جەر ءبولىندى
«قازاق فيلمنىڭ» جەرىن تارتىپ الا ما، جوق پا دەگەن سۇراققا قاتىستى جاۋابىم - قازىرگى ۋاقىتتا بىزگە وسى استانا قالاسىنان «Astana Film» كينوستۋدياسىن قۇرۋ ءۇشىن ەكسپو- عا جاقىن ماڭنان قوسىمشا 50 گ ا جەر ءبولىندى. ول كينوستۋديا «قازاق فيلمنىڭ» فيليالى بولا ما، جوق الدە جەكە كينوستۋديا بولا ما - ول جاعى ءالى قاراستىرىلادى. ال «قازاق فيلمنىڭ» جەرى تۋرالى ماسەلە زاڭگەرلىك ساتىدا»، - دەدى ش. ايمانوۆ اتىنداعى «قازاق فيلم» كينوستۋدياسىنىڭ ءبىرىنشى ۆيتسە- پرەزيدەنتى سەرىك جۇباندىقوۆ.
ونىڭ ايتۋىنشا، «قازاق فيلمنىڭ» الاڭى ءاۋ باستا ەتنواۋىل سالۋعا بەرىلەتىن بولعان.
«الايدا ول الاڭدا قازىرگى تاڭدا «توميريس» فيلمىنىڭ دەكوراتسياسى سالىنىپ قويدى. سونىمەن بىرگە، جاڭا فورماتتاعى جاڭا دەكوراتسيانىڭ قۇرىلىسى ءجۇرىپ جاتىر. ءبىز تۇركياداعى ارىپتەستەرىمىزگە بارىپ، «ەرتۇعرىلدىڭ» ءتۇسىرىلىم الاڭدارىن كورىپ كەلدىك. وسىدان كەيىن ولار كورەرمەن تارتۋ ءۇشىن بارلىق دەكوراتسيانى قالدىراتىن بولىپ شىقتى. مەنىڭ ويىمشا، كەلەسى جىلى وسى ماسەلەنى كۇن تارتىبىنەن الىپ تاستاۋعا دالەلدەر بارشىلىق»، - دەيدى سەرىك جۇباندىقوۆ.
ەسكە سالا كەتسەك، اتالمىش بريفينگتە ش. ايمانوۆ اتىنداعى «قازاق فيلم» كينوستۋدياسىنىڭ باسپا ءسوز حاتشىسى اينۇر يسايەۆا قازاق تىلىندەگى انيماتسيالىق فيلمدەر كينوتەاترلاردا نەلىكتەن ىڭعايلى ۋاقىتقا قويىلمايتىنى تۋرالى سۇراققا جاۋاپ بەرگەن ەدى.
اۆتور: ايان بەكەن ۇلى