07:31, 10 - مامىر 2017 | GMT +5
تايلاندتا بولعان قوس جارىلىستان 50 دەن استام ادام جارالاندى
استانا. قازاقپارات - تايلاندتا ساۋدا ورتالىعىندا قوس جارىلىس بولدى، دەپ حابارلايدى 24 kz.
وقيعانىڭ سالدارىنان 56 ادام جارالانىپ اۋرۋحاناعا تۇسكەن.
ولاردىڭ ەكەۋىنىڭ ءحالى اۋىر. وقىس وقيعا كورولدىكتىڭ وڭتۇستىگىندەگى پاتتاني پروۆينسياسىندا بولعان. الدىمەن ساۋدا ورتالىعىنا كىرەبەرىستە بومبا ىسكە قوسىلعان. ارتىنشا وسى عيماراتتىڭ كولىك تۇراعىندا جارىلعىش زات قويىلعان تەمىر تۇلپاردىڭ كۇلى كوككە ۇشتى.
ازىرگە ەشبىر توپ شابۋىلداردى ءوز موينىنا العان جوق. جالپى وڭىردە وڭتۇستىك اۋدانداردىڭ ەلدەن ءبولىنۋىن تالاپ ەتىپ جۇرگەن توپتار ارەكەت ەتەدى. 10 جىلدان استام ۋاقىت ىشىندە ولاردىڭ قاستاندىق ارەكەتىنەن شامامەن 6 جارىم مىڭ ادام كوز جۇمعان.
