حاكەرلەر تۇركيانىڭ 50 ميلليون ازاماتىنا قاتىستى دەرەكتەر قورىن جاريالادى
ولاردىڭ ايتۋىنشا وندا تۇركيانىڭ 50 ميلليون ازاماتىنىڭ جەكە مالىمەتتەرى، سونىڭ ىشىندە پرەزيدەنتپەن ۇكىمەت باسشىسىنىڭ جەكە مالىمەتتەرى بەرىلگەن. بۇل تۋرالى bbc اگەنتتىگى حابارلادى.
ساراپشىلاردىڭ ايتۋىنشا، ەگەر حاكەرلەردىڭ مالىمدەمەسى راستالسا، بۇل الەمدە ەڭ ۇلكەن جەكە مالىمەتتەردىڭ جاريا بولىپ كەتۋى بولماق.
ولار جەكە مالىمەتتەردىڭ جاريالانۋى تۇركيا تۇرعىندارىنىڭ قاۋىپسىزدىگىنە زالال كەلتىرەدى دەپ سانايدى.
رەسمي اقپاراتقا سايكەس، تۇركيا تۇرعىندارىنىڭ سانى - 77,6 ميلليون قۇپيا اقپاراتتىڭ وزگەلەردىڭ قولىنا قالاي تۇسكەنى بەيمالىم.
بولجام بويىنشا، حاكەرلەر شابۋىلىنىڭ ماقساتى - تۇركيانىڭ ەليتاسى مەن ەل پرەزيدەنتى رەجەپ تايىپ ەردوعان بولۋى مۇمكىن.
اسسوشيەيتەد پرەسس اگەنتتىگى حابارلاۋىنشا، 10 تۇرىك ازاماتىنىڭ سايكەستەندىرۋ ءنومىرىن تەكسەرگەندە، ونىڭ سەگىزى دۇرىس مالىمەت بولعاندىعى انىقتالدى.
