الماتىدا سوعىس ارداگەرلەرى جەڭىس كۇنىنە وراي 500 مىڭ تەڭگەدەن الادى

بۇل تۋرالى الماتى قالاسىنىڭ اكىمى باۋىرجان بايبەك مالىمدەدى، دەپ حابارلايدى قازاقپارات ءتىلشىسى.

ءداستۇر بويىنشا اسكەرگە شاقىرىلعانداردىڭ تۋىستارى مەن جاقىندارى بولاشاق جاۋىنگەرلەرگە قولداۋ بىلدىرۋگە جينالدى.

الماتى اكىمى باۋىرجان بايبەك ەلىمىزدىڭ قارۋلى كۇشتەرى قۇرىلعان كۇننىڭ تاۋەلسىز قازاقستاننىڭ داڭقتى جىلناماسىنا التىن ارىپتەرمەن جازىلعانىن ايتتى.

«ەلباسى ايتىپ وتكەندەي، قارۋلى كۇشتەر - قاۋىپسىزدىكتىڭ باستى كەپىلى جانە ەگەمەندىگىمىز بەن ەلىمىزدىڭ بەيبىت ءومىرىنىڭ مىزعىماس قورعانى. ءبىز بۇگىن وتانىمىزدى قورعاعان قازاقستاننىڭ بارلىق ۇرپاقتارىنا تاعزىم ەتەمىز. اتتارى اڭىزعا اينالعان قاراساي باتىردىڭ، باۋىرجان مومىش ۇلىنىڭ، لەونيد بەدانىڭ، بوريس كەرىمبايەۆتىڭ جانە كوپتەگەن باسقالارىنىڭ ەسىمدەرى حالقىمىزدىڭ جادىندا ماڭگىلىك ساقتالاتىن بولادى. ءبىز ۇلى وتان سوعىسىندا جەڭىسكە جەتكەن باتىرلارىمىز بەن ارداگەرلەرىمىزدىڭ ەرلىگى مەن باتىلدىعىن ماقتان ەتەمىز»، - دەدى باۋىرجان بايبەك.

ايتا كەتەرلىگى، قالا اكىمدىگى جىل سايىنعى قارجىلاي كومەكتى تاعى دا ەكى ەسەگە ارتتىرۋ تۋرالى شەشىم قابىلدادى. وسىلايشا، بيىلعى جىلى الماتىنىڭ ارداگەرلەرى 500 مىڭ تەڭگەدەن الاتىن بولادى.

«تاۋەلسىزدىك جىلدارىندا ەلىمىزدە شايقاسۋعا قابىلەتتى، موبيلدى جانە مىقتى قارۋلانعان ارميا قالىپتاستى. مەملەكەت باسشىسى، قارۋلى كۇشتەردىڭ جوعارعى باس قولباسشىسى قاسىم-جومارت توقايەۆ وتكەن «ايبالتا-2019» وقۋ-جاتتىعۋى كەزىندە جوعارى باعا بەردى. ارمياعا مەملەكەتتىك قولداۋ كورسەتۋ اسكەري قىزمەتتىڭ مارتەبەسىن ارتتىردى. اسكەري قىزمەتشىلەردى الەۋمەتتىك قامتۋعا تۇراقتى نازار اۋدارىلۋدا. تۇرعىن ۇيمەن قامتۋدىڭ جاڭا مودەلىن ەنگۋزىدەن باستاپ الماتىدا 10 مىڭعا جۋىق اسكەري قىزمەتشى تۇرعىن ءۇي قۇرىلىس جيناق بانكىندە دەپوزيتتەر اشتى، ال 360 مىڭنان استام وتباسى جەكە پاتەرلەرگە يە بولدى»، - دەدى باۋىرجان بايبەك.

سالتاناتتى شارا بارىسىندا اسكەر قاتارىنا شاقىرىلعاندارعا سىيلىقتار، «جاس سارباز» قوزعالىسىنىڭ تاربيەلەنۋشىلەرىنە سەرتيفيكاتتار بەرىلدى، دەسانتتى-داۋىلدى اسكەريلەر بولىمشەلەرىنىڭ جاتتىعۋلارى مەن كونسەرتتىك باعدارلامالار ۇسىنىلدى.