قازاقستان موڭعولياعا گۋمانيتارلىق كومەك رەتىندە 500 مىڭ ا ق ش دوللارىن ءبولدى

 الماتى. قازاقپارات - قازاقستان رەسپۋبليكاسى موڭعولياعا گۋمانيتارلىق كومەك رەتىندە 500 مىڭ ا ق ش دوللارىن ءبولدى، دەپ حابارلايدى قازاقپارات ءتىلشىسى. ق ر ۇكىمەتىنىڭ قاۋلىسى ەلەكتروندى ۇكىمەت پورتالىندا جاريالاندى.

«ق ر قارجى مينيسترلىگى ق ر سىرتقى ىستەر مينيسترلىگىنە ق ر ۇكىمەتىنىڭ توتەنشە رەزەرۆىنەن بيۋدجەتتە 2018 -جىلعا قاراستىرىلعان (قازاقستان جانە وزگە دە مەملەكەتتەردىڭ تەرريتورياسىنداعى تەحنوگەندى جانە تابيعي اپاتتاردىڭ سالدارىن جويۋعا قويىلعان) سومادان  500000 ا ق ش دوللارىن موڭعوليا مەملەكەتىنە گۋمانيتارلىق كومەك رەتىندە ءبولۋ تاپسىرىلادى» ، - دەلىنگەن ق ر ۇكىمەتىنىڭ قاۋلىسىندا.

ايتا كەتۋ كەرەك، ەكى ەل اراسىندا ديپلوماتيالىق قارىم- قاتىناس 1992 -جىلدان بەرى دامىپ كەلەدى.

سوڭعى جىلدارى قازاقستان مونعولياعا 28 ميلليون ا ق ش دوللارى كولەمىندە تاۋار ەكسپورتتاعان.