ەلوردالىق شەنەۋنىكتەردىڭ جالاقىسى 500 مىڭ تەڭگەگە دەيىن ءوستى
«وتكەن جىلى ەلورداداعى باسقارما باسشىلارىنىڭ ايلىعى 170 مىڭ تەڭگە شاماسىندا بولدى. بۇل رەتتە ولار باسقارىپ وتىرعان باسقارمالاردىڭ بيۋدجەتى 70 ميلليارد تەڭگەدەن اساتىنىن ايتا كەتۋ كەرەك. ءتيىمدى، كاسىبي ءارى اشىق باسقارۋدى قامتاماسىز ەتۋ ءۇشىن، ارينە، ايلىقتى ءوسىرىپ، كاسىبي كادرلاردى تارتۋ كەرەك بولدى. باسقارما باسشىلارى مەن ورىنباسارلارىنىڭ لاۋازىمدىق ايلىعىنىڭ مولشەرى ەكى ەسەگە - 500 مىڭ تەڭگەگە دەيىن، ال ءبولىم باسشىلارىنىڭ ايلىعى 2,5 ەسەگە - 350 مىڭ تەڭگەگە، باس مامانداردىڭ ايلىعى 2 ەسەگە - 290 مىڭ تەڭگەگە دەيىن ءوسىرىلدى. دەمەك، ءبىز باسشىلاردىڭ، نەگىزىنەن تومەنگى جانە ورتا بۋىننىڭ ايلىعىن وسىردىك» ، - دەدى اكىم.
ونىڭ ايتۋىنشا، استانا اكىمدىگىندەگى مەملەكەتتىك قىزمەتشىلەردىڭ ايلىق ەڭبەكاقىسى ولارعا دەگەن تالاپتاردىڭ جەدەل ارتۋىنا بايلانىستى پيلوتتى جوبا اياسىندا وسىرىلگەن. اسەت يسەكەشيەۆ سونىمەن بىرگە، وسى جىلدىڭ باسىنان باستاپ قالالىق اكىمدىكتەگى 104 ۆاكانتتى ورىنعا 700 ءوتىنىم كەلىپ تۇسكەنىن، ءار لاۋازىمعا 7 ۇمىتكەردەن كەلگەنىن اتاپ ءوتتى.
«ايلىقتىڭ جايدان- جاي وسىرىلمەيتىنىن، نەگىزگى تيىمدىلىك كورسەتكىشى بويىنشا ارتتىرىلاتىنىن ايتا كەتۋ كەرەك. وسىنىڭ ارقاسىندا جىل باسىنان بەرى مەملەكەتتىك قىزمەتكە «بولاشاق» باعدارلاماسىنىڭ 13 تۇلەگىن، كۆازيمەملەكەتتىك سەكتوردىڭ 7 توپ- مەنەدجەرىن تارتۋعا مۇمكىندىك تۋدى. كادرلار اۋىسىمىنىڭ مولشەرى 3 پايىزدان 0,4 پايىزعا دەيىن ازايدى» ، - دەيدى قالا باسشىسى.
ونىڭ ايتۋىنشا، اكىمدىكتى ترانسفورماتسيالاۋ قوسىمشا شتاتتاردى تارتپاي- اق جاڭا باعىتتاردا كادرلىق قۇرامدى كۇشەيتۋگە جول اشقان.
«وزدەرىڭىز بىلەتىندەي، بۇل گازداندىرۋ. كەلەسى جىلى ءبىز قالاداعى ج ە و- نى، بىرنەشە تۇرعىن ۇيلەردى - كوكتال، وڭتۇستىك- شىعىس، سودان كەيىن شاھاردىڭ وزگە دە اۋداندارىن گازداندىرامىز. ەلەكترەنەرگيا جانە ەنەرگيا ۇنەمدەۋ، قالا قۇرىلىسىنداعى ۋربانيستيكالىق ءادىس، سيفرلاندىرۋ امالدارى مەن كيبەرقاۋىپسىزدىك ساياساتى مەن وزگە دە كوپتەگەن ادىستەر ارقىلى ىشكى رەزەرۆتى تارتىپ، ونى كۇشەيتۋگە مۇمكىندىك الدىق» ، - دەيدى اكىم.
ايتا كەتسەك، بۇدان بۇرىن قالا باسشىسى استاناعا حالىقتىڭ كوپتەپ كوشىپ كەلۋىنەن مەملەكەتتىك قىزمەتشىلەردىڭ جۇمىسى اۋىرلاي تۇسكەنىن ايتقان ەدى. ونىڭ ۇستىنە اسەت يسەكەشيەۆتىڭ ايتۋىنشا، وتكەن جىلى 9 قۇرىلىمدىق بولىمشە قىسقارتىلعان.
