استاناداعى اۆتوبۋس جۇرگىزۋشىلەرىنىڭ ەڭبەكاقىسى 500 مىڭ تەڭگەگە جەتكىزىلمەك
«قازىرگى كەزدە تاسىمالداۋشىلار باسەكەلىك تالاپتار بويىنشا ەڭبەكاقىنى بەلگىلەيدى. كەيبىرەۋلەرى ونىڭ دەڭگەيىن 400 مىڭ تەڭگەگە قويسا، قالعاندارى 500 مىڭ تەڭگە تولەۋگە ءازىر ەكەنىن ايتۋدا. سوندىقتان اۆتوبۋس جۇرگىزۋشىسى ورنىنا ۇلكەن كونكۋرس بولادى. وسىنداي ەڭبەكاقى الۋ ءۇشىن شتاتتا جۇمىس ىستەپ، ءوزىنىڭ تابىسىن اشىق كورسەتۋى ءتيىس»، - دەدى «قازاقپارات» تىلشىسىنە «استانا LRT» ج ش س- نىڭ باسپا ءسوز حاتشىسى ناۋات ازانبايەۆا.
ونىڭ سوزىنە قاراعاندا، قوعامدىق كولىك جۇرگىزۋشىلەرىنىڭ الەۋمەتتىك جاعدايىن جاقسارتۋعا جەرگىلىكتى بيلىك تاراپىنان سۋبسيديالاۋ كومەكتەسەدى.
«اۆتوپاركتەر سۋبسيديالاۋعا كوشىپ جاتىر. الايدا سۋبسيديانى الۋ ءۇشىن بارلىق شارالار اشىق بولۋى كەرەك. تابىس بويىنشا، جۇرگىزۋشىلەردىڭ ەڭبەكاقىسى، سالىق تولەمدەرى تۇرعىسىندا ەسەپتەر ۇسىنۋى قاجەت. قازىر ءبىز وسىلاردى تالاپ ەتۋدەمىز. ويتكەنى ونسىز سۋبسيديانى الۋ مۇمكىندىگى جوق»، - دەپ ءتۇسىندىردى ول.
«تاسىمالداۋشىلار ءبىر جولاۋشىنىڭ جول ءجۇرۋى 301 تەڭگەگە تەڭ ەكەنىن ايتۋدا. ءوز كەزەگىندە اكىمدىك بۇل سوما تىم كوپ ەكەنىن العا تارتىپ، قوسىمشا جانە باسقا دا شىعىنداردى ازايتا وتىرىپ، قايتا ەسەپتەۋ شارالارىن جۇرگىزۋدى سۇرادى. ناتيجەسىندە، 198 تەڭگە دەڭگەيىندەگى كورسەتكىش شىقتى، ال جولاۋشىلار 90 تەڭگە تولەيدى. اكىمدىك ءاربىر جولاۋشى ءۇشىن پاركتەرگە 108 تەڭگە قوسىمشا تولەيدى»، - دەدى ن. ازانبايەۆا.
بەلگىلى بولعانداي، قازىرگى كەزدە اۆتوبۋستارعا جۇرگىزۋشىلەردى ىرىكتەۋ ءجۇرىپ جاتىر. بىلىكتىلىكتى ارتتىرۋدان وتكەننەن كەيىن، ولار جۇمىسقا ورنالاستىرىلادى.
بۇدان بۇرىن حابارلانعانداي، ديففەرەنسيالانعان تاريف ەنگىزىلگەن سوڭ جانە جولاۋشىلاردىڭ جاپپاي كولىكتىك كارتالارعا كوشۋى اۆتوبۋستاعى كوپتەگەن جۇرگىزۋشىلەردىڭ جۇمىستان كەتۋىنە سەبەپ بولدى.
سونىڭ سالدارىنان قالالىق اۆتوبۋستاردا كەيبىر باعدارلاردىڭ ءجۇرۋى بويىنشا ۋاقىت ارالىعىنىڭ ۇزارۋى بايقالىپ وتىر.
اۆتور: رۋسلان عابباسوۆ
