پولشادا كەڭەس وكىمەتى كەزىندەگى ورناتىلعان 500 ەسكەرتكىش بۇزىلادى

استانا. قازاقپارات - پولشا بيلىگى كەڭەستىك ەسكەرتكىشتەردى جاپپاي بۇزۋعا ازىرلىك ۇستىندە. ەلدىڭ ۇلتتىق ەسكەرتكىشتەر ينستيتۋتى وسىنداي باستاما كوتەردى، دەپ حابارلادى پولشالىق Onet.pl پورتالى.

مەكەمە باسشىسى لۋكاش كامينسكييدىڭ پايىمداۋىنشا، كەڭەس ەسكەرتكىشتەرى «پولشاعا كوممۋنيستىك جۇيە ۇستەمدىك ەتكەن كەزەڭنىڭ» نىشانىن بىلدىرەدى ەكەن.

مونۋمەنتتەردى بۇزۋ جوباسىن ينستيتۋت تاياۋ اپتادا جەرگىلىكتى ءوزىن- ءوزى باسقارۋ ورگاندارىنا جولدايدى. پورتالدىڭ جازۋىنشا، بۇل «ك س ر و- عا العىس رەتىندە» قوعامدىق ورىنداردا ورناتىلعان 500 دەن استام ەسكەرتكىشگە قاتىستى. «ەسكەرتكىشتەردى پولشالىقتار ەمەس، نەگىزىنەن قىزىل اسكەر وكىلدەرى ورناتقان»، - دەپ اتاپ وتەدى پورتال. تۇعىرىنان الىنعان ەسكەرتكىشتەر مۇراجايعا ورنالاستىرىلادى.

ەلدە «كەڭەس وكىمەتىنە العىس رەتىندەگى» ەسكەرتكىشتەردەن باسقا كەڭەس جاۋىنگەرلەرىنىڭ قابىرلەرىنە ورناتىلعان ءبىرقاتار كەڭەستىك مونۋمەنتتەر بار. ولار ورنىندا قالدىرىلادى. مەملەكەت ولاردى بۇرىنعىشا ءوز قامقورلىعىندا ۇستايتىن بولادى.