بيىل قاجىلىققا قازاقستاننان 5000 ادام اتتانباق
ونىڭ ايتۋىنشا، قازىر باس ءمۇفتي ەرجان قاجى مالعاجى ۇلىنىڭ باستاماسىمەن ەلىمىزدەگى مەشىتتەردە قاجىلىق كۋرستارى ۇيىمداستىرىلىپ، ساۋاتتاندىرۋ جۇمىستارى جۇيەلى جۇرگىزىلۋدە.
قاجىلارعا ارنالعان وسىنداي ءدارىس الماتىداعى ورتالىق مەشىتتە دە ءوتتى. ساپارعا اتتاناتىن مۇسىلمان قاۋىمىنىڭ قاجىلىق راسىمدەرىن دۇرىس اتقارۋدا بىلىمدەرى ارتتىرىلىپ، ۇلى ساپاردىڭ ماڭىزدى تۇستارى ءتۇسىندىرىلدى.
ايتا كەتۋ كەرەك، ۇلى قۇلشىلىققا دايىندىق جاماعات جۇرەگىندە ۇلكەن تولقۋ تۋعىزۋدا. ءتىپتى، بۇگىن قاجىلىقتىڭ قاسيەتى مەن ۇلى قۇلشىلىقتىڭ ارتىقشىلىقتارى تۋرالى ايتىلىپ جاتقان دارىستە ۋاعىز تىڭداپ وتىرعان ءبىر قاريا كوز جاسىنا ەرىك بەردى. ۋاعىزدان اسەرلەنگەن اقساقال قاجىلىققا بارۋ تۋرالى ارمانىنىڭ ورىندالا باستاعانىنا قاتتى قۋانىپ، جۇرەگى تولقىپ، كوڭىلى بوساپ قويا بەرگەن.
اۆتور: گۇلميرا عوسمانالي
