كەنيالىق جىگىت وبامانىڭ قىزىن 50 سيىر، 70 قوي 30 ەشكىگە ساتىپ الماق

استانا. قازاقپارات - كەنيالىق جىگىت وبامانىڭ قىزى ءۇشىن 50 سيىر مەن 70 قوي قالىڭ مال ۇسىندى، - دەپ حابارلايدى «24.kz».

«ا ق ش پرەزيدەنتىنىڭ ۇلكەن قىزى ماليا ءۇشىن بەرىلەتىن قالىڭ مالدىڭ قۇنى انىقتالدى. وعان عاشىق بولىپ قالعان كەنيالىق زاڭگەر وبامالار وتباسى كەلىسكەن جاعدايدا، قىز ءۇشىن 50 سيىر، 70 قوي مەن 30 ەشكىسىن بەرۋگە دايىن ەكەندىگىن ايتتى»، - دەپ جازادى epochtimes.ru.

فەليكس كيپرونو ماليانى 2008-جىلدان بەرى كوزدەپ كەلەدى ەكەن. ول ءتىپتى «اق ءۇي حانشايىمىن» وزگە ەشكىمگە اۋىستىرماۋ جونىنەن وزىنە انت بەرىپ قويعان. جىگىت مالياعا ۇيلەنۋ تۋرالى ۇسىنىستى باراك وبامانىڭ كەنياعا شىلدە ايىنداعى ساپارى بارىسىندا جاساماقشى. ول قازىر پرەزيدەنتتىڭ وزىمەن بىرگە قىزىن الا كەلۋى تۋرالى حات جازىپ جاتىر.