تۇركىستان وبلىسىنىڭ 4 تۇرعىنى ۆەلوسيپەدپەن مەككەگە ۋمرا ساپارىنا اتتاندى - ۆيدەو
قاراپايىم «ۋرال» ۆەلوسيپەدىنە مىنگەن ولار بۇگىن قازىعۇرت اۋدانىنىڭ ماڭىنا تۇراقتاعان.
ال، تاڭەرتەڭ «تۇركىستان- سامارا» باعىتى ارقىلى ساپارىن جالعاستىرادى.
كەيىن اقتاۋ قالاسىنا بارىپ، كاسپيي تەڭىزى ارقىلى تۇركياعا وتەدى. جالپى جولاۋشىلار ءبىر ايدا مەككە قالاسىنا كىرۋدى جوسپارلاپ وتىر.
«اۋىلدان 4 ادام بولىپ جولعا شىقتىق. ۇلىم يسلامنىڭ جاسى 29 دا. ال، تۋىستارىم ۇلان 50 دە بولسا، مۇزاففار 47 جاستا. ءوزىم 61 گە اياق باستىم. جولعا قاجەتتى كارتا، كومپاس سەكىلدى زاتتارىمىزدى الدىق. ال، اسىمىزدى جولدان ءىشىپ جاتىرمىز. كەي جەرلەردە ساتىپ الساق، كەي جەرلەردە حالىق وزدەرى تاماقتاندىرىپ ءجۇر» - دەيدى ءجاببارالى تاشمەتوۆ.
اقساقال بۇل ساياحاتقا ءبىراز ۋاقىتتان بەرى دايىندالىپتى.
الىس ساپار بولعاندىقتان ۆەلوسيپەد ءمىنىپ، اۋىل اراسىندا شىنىققان.
ءتىپتى اراسى 30 شاقىرىم بولاتىن كەلەس پەن سارىاعاش اۋدانىنا شايتان اربامەن بارىپ كەلگەن كەزدەرى كوپ.
«وڭىرىمىزدە ۆەلوسيپەدپەن تۇڭعىش رەت قاجىلىققا ءبىز شىعىپ وتىرمىز. قانداي قيىندىق بولسا دا شىداۋعا دايىنبىز. اللا قاجىلىعىمىزدى قابىل السىن دەپ نيەت ەتەمىن»، - دەيدى ول.