زۋلفيا چينشاللو قازاقستان چەمپيوناتىندا 4 رەكورد جاڭارتتى

نۇر- سۇلتان. قازاقپارات - توكيو وليمپياداسىنىڭ قولا جۇلدەگەرى زۋلفيا چينشاللو قىزىلوردا قالاسىندا ەرلەر مەن ايەلدەر اراسىندا ءوتىپ جاتقان ەل چەمپيوناتىندا ءتورت رەكوردتى جاڭارتتى، دەپ حابارلايدى قازاقپارات ءتىلشىسى.
None
None

قازاقستان اۋىر اتلەتيكا فەدەراتسياسى ءمالىم ەتكەنىندەي، زۋلفيا 59 كەلىگە دەيىنگى سالماقتا ۇزدىك شىقتى. ول قوسسايىس قورىتىندىسىندا 223 كەلىنى (95+128) كوتەردى. ەكىنشى ورىنعا يە بولعان قارسىلاسىن 51 كەلىگە ارتقا قالدىرعان ز. چينشاللو قازاقستاننىڭ ءتورت رەكوردىنا (جۇلقا كوتەرۋدەن ەكى، سەرپە كوتەرۋدەن ءبىر جانە قوسسايىس قورىتىندىسىندا) قول جەتكىزدى.

سونىمەن قاتار قازاقستاندىق اۋىر اتلەتكە اشحاباد قالاسىندا 2018 -جىلى وتكەن الەم چەمپيوناتىنىڭ قولا جۇلدەسى دە تابىس ەتىلدى. بۇل بىرىنشىلىكتە زۋلفيا بەسىنشى ورىنعا تابان تىرەگەن ەدى. ايتسە دە ونىڭ الدىنداعى ەكى سپورتشىنىڭ ناتيجەلەرى جوققا شىعارىلعاندىقتان، ز. چينشانلو ۇزدىك ۇشتىككە ىلىككەن ەدى.

ز. چينشاللو ەل بىرىنشىلىگىنە تىڭعىلىقتى دايىندالعانىن، سونداي- اق الەم چەمپيوناتىنىڭ جۇلدەسىن العانىنا قۋانىشتى ەكەندىگىن، بۇدان بىلاي دا تىنباي ەڭبەكتەنە بەرەتىنىن جەتكىزدى.

زۋلفيا چينشاللونى وسىناۋ تابىسىمەن يليا يلين ينستاگرامداعى پاراقشاسىندا قۇتتىقتادى.

«بۇگىن زۋلفيا چينشاللو سەرپە كوتەرۋدەن 128 ك گ وليمپيادا رەكوردىنا قول جەتكىزدى. جالپى ناتيجە - 223 ك گ جانە الەمدىك رەيتينگتە 1-ورىنعا كوتەرىلەدى. ساعان ءوزىڭنىڭ بەسىنشى وليمپياداڭا بارىپ، التىن الۋىڭا تىلەكتەسپىن»، دەپ جازدى ي. يلين.

قازاقستان چەمپيوناتىنداعى العاشقى ەكى كۇننىڭ ناتيجەلەرى مىناداي:

ايەلدەر. 45 كەلى

1. الەكساندرا بەلەنكو (59+76) - ش ق و

2. اينۇر ءابدىحالىقوۆا (59+72) - جامبىل وبلىسى

3. الفيا گاريفۋللينا (57+73) - الماتى وبلىسى

49 كەلى

1. داريا بالابانيۋك (70+83) - قاراعاندى وبلىسى

2. ايىم مۇحامەتجانوۆا (60+75) - اقمولا وبلىسى

3. سالتانات قىپشاقباي (48+59) - قىزىلوردا وبلىسى

55 كەلى

1. ايگەرىم اۋىلبەك (76+94) الماتى وبل.

2. شىنار جاپار (73+86) جامبىل وبل.

3. ءبيبىسارا جانبولات (64+80) الماتى وبل.

59 كەلى

1. زۋلفيا چينشانلو (95+128) الماتى وبل.

2. التىناي تانىربەرگەنوۆا (74+98) قىزىلوردا وبل.

3. الينا كوليۋشكو (77+94) سقو

ەرلەر. 55 كەلى

1. ارلي چونتەي (109+127) - شىمكەنت

2. اناتولي گرۋبوۆ (110+125) - الماتى وبلىسى

3. ەرناز الپىسوۆ (102+123) - ش ق و

61 كەلى

1. وتەپبەرگەن الييەۆ (121+145) ب ق و

2. ازامات تولەگەن (113+138) قىزىلوردا وبل.

3. جالعاس سەيتوۆ (113+133) اقمولا وبل.

قازاقستان چەمپيوناتى 23- ساۋىرگە دەيىن جالعاسادى.

اۆتور: ەلجان ەرالى

سوڭعى جاڭالىقتار