ەلوردا ماڭىندا ءبىر تۇندە 4 كولىكتى توناعان ۇرى ۇستالدى
نۇر- سۇلتان قالالىق پوليتسيا دەپارتامەنتىنىڭ مالىمەتىنشە، كۇدىكتى ءتۇن ۋاقىتتىندا كوپقاباتتى ۇيلەردىڭ اۋلاسىندا تۇرعان كولىكتەردىڭ ەسىگىن تارتىپ كورىپ، اشىق تۇرعاندارىنا ۇرلىققا تۇسكەن. جاس جىگىتتىڭ قولشاممەن كولىكتەردىڭ سالونىن ءتىنتىپ جاتقان تۇنگى جورىعى بەينەباقىلاۋ كامەرالارىنا دا ءتۇسىپ قالعان.
«مەرسەدەس» ماركالى كولىكتىڭ يەسى، زارداپ شەگۋشىلەردىڭ ءبىرى پوليتسياعا جۇگىنىپ، 40 مىڭ تەڭگە سوماسىنداعى اقشاسىنىڭ ۇرلانعاندىعىن حابارلادى. جەدەل ىزدەستىرۋ ءىس- شاراسى بارىسىندا پوليتسيا قىزمەتكەرلەرى كۇدىكتىنى ۇستادى. ول بۇعان دەيىن ۇرلىق جاساعانى ءۇشىن سوتتالعان 26 جاستاعى جىگىت بولىپ شىقتى. تەرگەۋ بارىسىندا ول تاعى 4 كولىككە ۇرلىققا تۇسكەنىن مويىندادى. اتالعان فاكتى بويىنشا ق ر ق ك 188-بابىمەن قىلمىستىق ءىس قوزعالدى. تەرگەۋ جۇرگىزىلىپ جاتىر. كۇدىكتىنىڭ ەلوردا اۋماعىندا جاسالعان ءدال وسىنداي وزگە دە قىلمىسقا قاتىسى تەكسەرىلۋدە»، - دەدى دەپارتامەنتتەن.
اۆتور: مارلان جيەمباي