19:56, 06 - تامىز 2021 | GMT +6
جاپونيادا بەلگىسىز بىرەۋ پويىز جولاۋشىلارىن پىشاقتاعان، 4 ادام ەس- ءتۇسسىز حالدە
توكيو. قازاقپارات - توكيودا جۇما كۇنى ەر ادام پويىز جولاۋشىلارىنا پىشاقپەن شابۋىل جاساپ، كەيىن بەلگىسىز باعىتقا قاشىپ كەتكەن، دەپ حابارلايدى قازاقپارات NHK تەلەارناسىنا سىلتەمە جاساپ.
تەلەارنانىڭ مالىمەتىنشە، وقيعا ەل استاناسىنداعى سەتاگايا اۋدانىنداعى «وداكيۋ» تەمىرجول تارماعىندا بولعان.
كۋاگەرلەردىڭ ايتۋىنشا، پويىز جولاۋشىلارىنىڭ ءبىرى كەنەتتەن پىشاق الىپ شىعىپ كورىنگەنگە سىلتەي باستاعان، ارتىنشا ايالدامالاردىڭ بىرىندە جۇگىرگەن كۇيى پويىزدان شىعىپ كەتكەن. الدىن الا مالىمەتتەر بويىنشا، وقيعا سالدارىنان ءتورت ادام زارداپ شەككەن، ولار ەس- ءتۇسسىز حالدە. قازىرگى ۋاقىتتا پوليتسيا ەر ادامدى ىزدەستىرۋدە.