قازاقستاندىق جەڭىل اتلەتتەر وليمپياداعا تاعى 4 جولداما جەڭىپ الدى

نۇر- سۇلتان. قازاقپارات - قازاقستاندىق جەڭىل اتلەتتەر توكيودا وتەتىن وليمپيادا ويىندارىنا تاعى ءتورت ليتسەنزيا جەڭىپ الدى، دەپ حابارلايدى قازاقپارات Olympic.kz سايتىنا سىلتەمە جاساپ.

قازاقستاندىق ەكى سپورتشى جولدامانى حالىقارالىق جەڭىل اتلەتيكا فەدەراتسياسىنىڭ (الەمدىك جەڭىل اتلەتيكا) الەمدىك رەيتينگىنە سايكەس يە بولسا، ءتورتىنشى جولدامانى قازاقستاندا وتكەن جارىس ناتيجەسى بويىنشا الدى.

ايتا كەتەرلىگى، World Athletics وليمپيادا جولدامالارى تۋرالى ناتيجەنى بۇگىن جاريالادى. وسىلايشا، ولگا سافرونوۆا، ميحايل ليتۆين جانە يرينا ەكتوۆا #teamKZ قورجىنىن جولدامامەن تولىقتىردى. ولگا سافرونوۆا ايەلدەر اراسىندا 100 جانە 200 مەتر قاشىقتىقتا جارىسقا 2 ليسەنزيا جەڭىپ الدى.

ميحايل ليتۆين ەرلەر اراسىندا 400 مەترگە جۇگىرۋدەن قازاقستان نامىسىن قورعايدى. يرينا ەكتوۆا الماتىدا وتكەن جارىستاعى ناتيجەسى بويىنشا ءۇش قارعىپ سەكىرۋدەن وليمپياداعا قاتىسادى.

ايتا كەتەرلىگى، جەڭىل اتلەتيكادان قازاقستان قۇراماسىنىڭ قورجىنىندا بۇعان دەيىن جەتى جولداما بولدى. ولاردى ولگا رىپاكوۆا ء(ۇش قارعىپ سەكىرۋ)، گريگوري شەيكو (سپورتتىق ءجۇرىس)، ايمان راتوۆا (سپورتتىق ءجۇرىس) جانە جاننا ماماجانوۆا (مارافون)، ماريا وۆچيننيكوۆا ء(ۇش قارعىپ سەكىرۋ)، نادەجدا دۋبوۆيتسكايا (بيىكتىككە سەكىرۋ)، كريستينا وۆچيننيكوۆا (بيىكتىككە سەكىرۋ) جەڭىپ العان بولاتىن.