قازگيدرومەت: 4-اقپان كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، 4-اقپان كۇنى تەك ەلىمىزدىڭ سولتۇستىك-شىعىسىندا عانا انتيتسيكلوننىڭ اسەرىنەن كۇن جاۋىن-شاشىنسىز بولادى. كەي جەرلەردە تۇمان ءتۇسىپ، كوكتايعاق بولادى، جەل كۇشەيىپ، ەلدىڭ سولتۇستىگىندە جاياۋ بۇرقاسىن بولادى.
اقمولا وبلىسىنىڭ كەي جەرلەرىندە تۇمان ءتۇسىپ، تاڭەرتەڭ جانە كۇندىز ءبىرقاتار اۋماقتاردا جاياۋ بۇرقاسىن، كوكتايعاق بولىپ، سەكۋندىنا 15-20 مەتر جىلدامدىقپەن جەل سوعادى.
الماتى وبلىسىنىڭ كەي جەرلەرىندە تۇمان ءتۇسىپ، جىلدامدىعى 15-20 م/س جەل سوعادى. جالاڭاشكول اۋدانىندا جەلدىڭ ەكپىنى 17-22 م/س- قا جەتەدى.
جامبىل، اتىراۋ، باتىس قازاقستان، اقتوبە، شىعىس قازاقستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جەلدىڭ جىلدامدىعى 15-20 م/س.
اقتوبە وبلىسىنىڭ ءبىرقاتار اۋماقتارىندا جاياۋ بۇرقاسىن بولادى.
تۇركىستان وبلىسىنىڭ كەي جەرلەرىندە تۇمان ءتۇسىپ، كۇندىز جەل 15-20 م/س جىلدامدىقپەن ۇيتقيدى.
پاۆلودار، قاراعاندى وبلىستارىنىڭ كەي جەرلەرىندە بۇرقاسىن، تۇمان، كوكتايعاق بولادى. جەل 15-20 م/س جىلدامدىقپەن سوعادى، كۇندىز ەكپىنى 23-28 م/س بولادى.
