قازاقستاننىڭ 4 وبلىسىندا ەسكەرتۋ جاريالاندى

استانا. قازاقپارات - «قازگيدرومەت» رمك قازاقستاننىڭ ءتورت وبلىسىندا اۋا رايىنا بايلانىستى ەسكەرتۋ جاريالادى، دەپ حابارلايدى قازاقپارات ءتىلشىسى.

اقمولا وبلىسىندا 8 - تامىز كۇنى كۇندىز كەي جەرلەردە نايزاعاي ويناۋى مۇمكىن. وڭتۇستىك- شىعىستان سوققان جەل بىرتە- بىرتە وڭتۇستىك- باتىسقا قاراي ىعىسادى. نايزاعاي كەزىندە جەلدىڭ ەكپىنى سەكۋندىنا 15-20 مەترگە جەتىپ، داۋىل تۇرۋى ىقتيمال.

اتىراۋ وبلىسىندا 8 - تامىز كۇنى كۇندىز كەي جەرلەردە نايزاعاي جارقىلداپ، شاڭدى داۋىل سوعادى. باتىس، وڭتۇستىك- باتىس جەلدىڭ ەكپىنى سەكۋندىنا 15-20 مەتر اينالاسىندا بولادى. اتىراۋدا نايزاعاي ويناپ، شىڭدى داۋىل كۇتىلەدى. داۋىل تۇرۋ ىقتيمالدىعى -% 80-85.

 باتىس قازاقستان وبلىسىندا 8-9 - تامىزدا كەي جەرلەردە باتىستان سوققان جەلدىڭ ەكپىنى سەكۋندىنا 15-20 مەترگە جەتەدى دەپ كۇتىلۋدە. ورالدا 8-9 - تامىز كۇندەرى باتىستان سوققان جەلدىڭ ەكپىنى سەكۋندىنا 18 مەترگە دەيىن كۇشەيەدى دەپ بولجانۋدا. كۇندىز كەي جەرلەردە اۋا تەمپەراتۋراسى 37 گرادۋسقا دەيىن كوتەرىلەدى. داۋىل تۇرۋ ىقتيمالدىعى % 90-95.

 سونداي- اق، قوستاناي وبلىسىندا 8 - تامىز تاڭەرتەڭ جانە كۇندىز كەي جەرلەردە نايزاعاي ويناپ، باتىستان جىلدامدىعى سەكۋندىنا 15-20 مەترگە جەتەتىن جەل سوعادى. كۇندىز اۋا تەمپەراتۋراسى كەي جەرلەردە 37 گرادۋسقا دەيىن ىسيدى. داۋىل تۇرۋ ىقتيمالدىعى -% 90-95.