كەشىگىپ جۇرەتىن ادامداردىڭ 4 ءتيپى

 تانىس جاعداي ما؟ ءجيى كەشىگەتىن ادامداردى ۋاقىت وتە باسشىلىق پەن ارىپتەستەرى عانا ەمەس، سونىمەن قوسا جاقىن ادامدارى دا جاقتىرمايتىن بولادى. ءجيى كەشىگىپ جۇرەتىن بولساڭىز، ءوز ءتيپىڭىزدى انىقتاپ، ەندىگى ونى قايتالاماس ءۇشىن شەشىمىن قاراستىرىڭىز.

1. «مەن اسىققاندا جاقسى جاسايمىن» ولاردىڭ ءجيى ايتاتىن سىلتاۋى «مەن اسىققاندا جاقسى جاسايمىن» نەمەسە «مەن قىسىم تۇسكەندە جاقسى ىستەيمىن» بولۋى مۇمكىن. بەرىلگەن جۇمىستى ءبىر اپتا بويى سوزىپ ءجۇرىپ، سوڭعى كۇنى تىنباي جۇمىس ىستەپ تاپسىراسىز. ءبىر جاعىنان كەيدە كەيىنگە قالدىرۋدىڭ پايداسى دا بار: ەشتەڭە ىستەمەي جۇرگەننىڭ وزىندە ميىڭىز اقپارات جيناپ ءجۇرىپ، ونى جوباعا قوساسىز. الايدا ونىڭ كەمشىلىكتەرى كوپ: جۇمىستى باستاپ كەتە الماي جۇرەسىز، ماڭىزدى شەشىمدەردەن قاشاسىز، بارلىعىن سوڭعى كۇنگە قالدىرا بەرەسىز -  سول ءۇشىن كەشىگە دە بەرەسىز. جۇمىستى ۋاقىتىندا تاپسىرعانمەن، كوبىرەك ۋايىمداپ، قاتەنى تۇزەۋگە ۋاقىت تابا المايسىز.

 شەشىمى: ماقساتقا از قادامدارمەن قوزعالىڭىز. سوڭعى كۇنى قاۋىرت رەجيمدە جۇمىستى ورىنداۋعا كومەكتەسەتىن ادرەنالين اعزاعا پايدالى ەمەس. جۇمىستى كىشكەنتاي بولىكتەرگە ءبولىپ، دايەكتى تۇردە ورىنداڭىز. ەگەر ەشتەڭە جاساعىڭىز كەلمەسە، وزىڭىزگە ۇنايتىن ىسپەن اينالىسىپ، كوڭىل كۇيىڭىزدى كوتەرىپ الىڭىز. سودان سوڭ بىردەن جۇمىسقا كىرىسىپ كەتۋگە تىرىسىڭىز. مىسالى، قاعازداردىڭ ورتاسىندا قالىپ قويساڭىز، از ۋاقىتقا دالاعا سەرۋەندەپ كەلىپ، قايتادان كىرىسىڭىز.

 2. «مەن كەستە بويىنشا جۇرمەيمىن» بوس كۇنتىزبەدەن سوققان بۇل ەركىندىك جەلى وعان كۇش سىيلايدى. ول ناقتى جوسپارلانعان وقيعانى جاقسى كورمەيدى جانە ماڭىزدى جۇمىستى سوعان ساي كوڭىل كۇي بولعاندا جاسايدى. بىردەڭە جاسالماي قالۋى دا مۇمكىن. ۋاقىتقا قاراۋدى دا ۇمىتادى، سول ءۇشىن كەشىگىپ جۇرەدى. ءسىز ىشتەي ءبىر كۇنى ۇقىپتى جانە ءدال ۋاقىتىندا كەلەتىن ادام بولاتىن ۋاقىت كەلەدى دەپ سەنەسىز، ءبىراق ول كۇن ءالى دە كەلگەن جوق.

شەشىمى: ناقتى كەستەسىز بارلىعىنا ۇلگەرۋگە ۇمتىلۋ ءسىزدى ەنەرگيامەن قامتاماسىز ەتكەنمەن، ولاي تەك ءسىز جۇرگەندىكتەن، باسقالارعا ىڭعايسىز بولىپ كەلەدى. ءوزىڭىزدى دوستارىڭىز بەن ارىپتەستەرىڭىزدىڭ ورنىنا قويىپ كورىڭىز جانە ولاردىڭ ءسىز ءۇشىن ىڭعايسىزدىقتا بولاتىندىعىن ەسكەرىڭىز. از- ازدان وزگەرۋگە تىرىسىڭىز.

 3. «بۇل 1 مينۋت ۋاقىتتى عانا الادى» «بۇل 1 مينۋت ۋاقىتتى عانا الادى» ، -  دەپ ءبىراز ۋاقىت الاتىن ءىستى ايتاسىز. ءسىز ءومىرىڭىزدىڭ بولىگىن ۋاقىتتىڭ ماڭىزى جوق كەڭىستىكتە وتكىزىپ جاتىرعان سەكىلدى ارەكەت ەتەسىز. ءسىز ءبارىن بىردەن ورىنداي المايتىندىعىڭىزعا ىشتەي قورقاسىز نەمەسە تىپتەن ىستەۋگە بولمايتىن ىسكە كوپ ۋاقىت كەتىرەسىز.

 شەشىمى: جەرگە ءتۇسىڭىز. ءار نارسەنى جوسپارلاڭىز، ۋاقىتىن باعالاڭىز، تايمەر قوسىڭىز. سودان سوڭ ورىنداپ كورىڭىز، سول كەزدە قانشالىقتى قاتەلەسكەنىڭىزدى بايقايسىز. كەستەڭىزدى اشىپ، ماڭىزدى ەمەستەردى ءوشىرىپ، ماڭىزدىلارىن ۋاقىتىڭىز مىندەتتى تۇردە جەتەتىندەي ەتىپ الدىعا شىعارىڭىز. قانداي دا ءبىر ۇلكەن جوبانى ۇساق بولشەكتەرگە ءبولىپ ورىنداڭىز نەمەسە باسقا ادامداردان كومەك سۇراڭىز.

 4. «ۋاقىت جەتپەيدى، قولىم مۇلدە بوسامايدى» . كەيدە ءوزىڭىز تۋرالى ۇمىتىپ، مۇمىندىك بولسا، باسقانىڭ شارۋاسىن شەشۋگە كىرىسىپ كەتە بەرەسىز. كورشىڭىزگە ءدارى ساتىپ الاسىز، ءتۇرلى جوبالاردا ەرىكتى بولىپ جۇمىس ىستەيسىز، بارلىعىنا جانە اركىمگە كومەكتەسە بەرەسىز -  ءوزىڭىزدىڭ كەرەك ەكەنىڭىزدى سەزىنىپ ءومىر سۇرەسىز. ءبىراق وزىڭىزگە مۇلدەم ۋاقىت جەتپەيدى، ىشىڭىزدەن بوستىق سەزىنەسىز جانە ءارقاشان كەشىگىپ جۇرەسىز.

 شەشىمى: باس تارتۋدى ۇيرەنىڭىز. ادامدارعا كومەكتەسۋدەن جاقسى ءىس جوعى راس. ءبىراق بارىنە ۇلگەرەمىن دەپ «جارىلعاننان» ، تاۋلىكتەگى ساعاتتار سانى كوبەيمەيدى. ءار جەرگە جۇگىرىپ ءجۇرىپ، تاماق ءىشۋ مەن ۇيىقتاۋعا ءمان بەرمەۋىڭىز مۇمكىن. ۇسىنعان جوباعا كەلىسىم بەرەر الدىندا 10 سەكۋندتاي ويلانىڭىز. «مۇنىڭ ماڭىزدى ەكەنىن بىلەمىن، ءبىراق مەن مىناداي ىستەرمەن قولىم بوس ەمەس ەدى» دەپ، شىنايى جاۋاپ بەرىڭىز.

Massaget.kz