13:27, 19 - قازان 2017 | GMT +6
بريتاندىق ارۋ اياعى اۋىر ەكەنىن بوساناردان 4 ساعات بۇرىن بىلگەن
استانا. قازاقپارات - 19 جاستاعى كونني ۋيتتون ەسىمدى ارۋدىڭ باسىنان كەشكەن وقيعاسى بۇل.
ول ءوزىنىڭ ەكى قابات ەكەنىن مۇلدە بىلمەگەن ەكەن. ءتىپتى ارتىق سالماعىن تاستاۋ ءۇشىن ارىقتاپ جۇرگەن.
ول ءوزىنىڭ ارىقتاۋ پروتسەسىن عالامتور جەلىسىنە سالىپ جۇرگەن. وسى ورايدا از-كەم ارقاسىنىڭ اۋىرعانىن ايتادى ەكەن. الايدا، بۇل اۋىرلىققا ول كوپ نازار اۋدارماعان. كەيىن ارقاسىنداعى شانشۋ ارتا بەرگەن سوڭ اناسى كوننيدى اۋرۋحاناعا اكەلەدى.
مۇندا بولعان وقيعا كوننيدىڭ تۇسىنە دە كىرمەسە كەرەك. دارىگەر كوننيدىڭ ەكىقابات ەكەنىن، ونىڭ ۇستىنە ول ءبىر ەكى ساعات ىشىندە بوساناتىنىن جەتكىزگەن.
«مەن كەشكى توعىزدا اياعىم اۋىر ەكەنىن ەستىپ، تۇنگى ون ەكىدە انا اتاندىم. بۇل تاڭعاجايىپ دۇنيە»، - دەيدى كونني. قازىر ول جىگىتى لايام ەكەۋى باقىتتى ءومىر ءسۇرىپ جاتىر. بالالارىنىڭ اتىن سەت دەپ قويعان ەكەن.
دەرەككوزى:deti.mail.ru
