قازاقستاندا اڭ اۋلاعان اراب امىرلىكتەرىنىڭ 4 ازاماتى ۇستالدى

 استانا. قازاقپارات - جامبىل مەن وڭتۇستىك قازاقستان وبلىستارىنىڭ شەكاراسىنداعى اقتوبە اۋىلىنىڭ ماڭىندا زاڭسىز اڭ اۋلاعان بىرىككەن اراب امىرلىكتەرىنىڭ 4 ازاماتى مەن 2 جەرگىلىكتى تۇرعىن ۇستالدى.

 بۇل تۋرالى اقپاراتتى قر اشم ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت فەيسبۋكتەگى پاراقشاسىندا جاريالادى، دەپ حابارلايدى «قازاقپارات» ح ا ا ءتىلشىسى. «12 - قازاندا جامبىل وبلىسىنىڭ «وحوتزووپروم» ءو ب» ر م ق ك تىرەك بەكەتىنىڭ ينسپەكتورلار توبى جامبىل وبلىسىنىڭ ورمان شارۋاشىلىعى مەن جانۋارلار الەمى اۋماقتىق ينسپەكتسياسى رەيد جۇرگىزگەن. رەيد بارىسىندا تابيعات قورعاۋشىلارى وڭتۇستىك قازاقستان وبلىسى مەن جامبىل وبلىسىنىڭ شەكاراسىنداعى اقتوبە اۋىلىنىڭ ماڭىندا بىرىككەن اراب امىرلىكتەرىنىڭ 4 ازاماتىن قولعا ءتۇسىردى. ولاردىڭ قاسىندا تاعى 2 جەرگىلىكتى تۇرعىن بولعان. ولار نيسسان پاترول مەن تويوتا لاند كرۋزەر پرادو اۆتوكولىكتەرىمەن جۇرگەن. تەكسەرۋ بارىسىندا ۇستالعانداردىڭ اۆتوكولىكتەرىنەن 4 سۇڭقار، قىزىل كىتاپقا ەنگىزىلگەن 1 بەزگەلدەك، 2 ءشىل مەن 2 قويان تابىلدى» ، - دەپ جازادى ساكەن دىلداحمەت.

 بەرىلگەن مالىمەتكە سايكەس، وقيعا ورنىنا سارىسۋ ءى ءى ب- ءنىڭ جەدەل- تەرگەۋ توبى شاقىرىلعان. قازىرگى ۋاقىتتا زاڭ بۇزۋشىلاردىڭ كىم ەكەنى انىقتالۋ ۇستىندە.

 

اۆتور: ايان بەكەن ۇلى