10:21, 20 - مامىر 2017 | GMT +6
سوندەرس قازاقستانعا كەلگەنى ءۇشىن 4 ميلليون دوللار الۋعا ۇمىتتەنگەن
استانا. قازاقپارات - جاپوندىق بوكسشى ريوتا مۋرانىڭ (12-0, 9 ك و) پروموۋتەرى بوب ارۋم Boxingscene.com سايتىنا بريتاندىق بيللي دجو سوندەرسپەن (24-0, 12 ك و) بولۋى ىقتيمال جەكپە- جەكتىڭ كەيبىر قارجىلىق تۇستارىن ايتىپ بەردى، دەپ حابارلايدى Sports.kz.
ارۋمنىڭ اتاپ وتۋىنشە، ولار سوندەرسكە ۇسىنىس جاساعان، ءبىراق بيللي دجو قازاقستاندىق گەننادي گولوۆكينمەن (37-0, 33 ك و) كەزدەسۋدەن اناعۇرلىم ءتيىمدى شارتتار بولاتىنىنا ۇمىتتەنىپ، وعان جاۋاپ قاتپاعان.
«ءبىز وعان (سوندەرسكە) جاپونياعا كەلگەنى ءۇشىن 2 ميلليون دوللار ۇسىندىق. ءبىراق ول ۇسىنىسىمىزدان باس تارتىپ، قازاقستانعا ساپارىنان 4 ميلليون الامىن دەپ ويلادى»، - دەدى ارۋم.
ەسكە سالايىق، گولوۆكين- سوندەرس ايقاسى استانادا ماۋسىم ايىندا ءوتۋى مۇمكىن ەدى. ءبىراق قازاقستاندىق بوكسشىنىڭ جاراقاتىنا بايلانىستى ونىڭ كومانداسى اتالمىش كەزدەسۋدەن باس تارتىپ، اعىمداعى جىلدىڭ قىركۇيەگىندە مەكسيكالىق ساۋل الۆارەسپەن (49-1-1, 34 ك و) وتەتىن جەكپە-جەككە ءجىتى دايىندالۋدى ءجون كوردى.
اۆتور: ميرا تولەندى قىزى